November 28, 2024
ગુજરાત(Gujarat): છેલ્લા ઘણા દિવસોથી ગુજરાત કોંગ્રેસ(Gujarat Congress)ના કાર્યકારી અધ્યક્ષ હાર્દિક પટેલ(Hardik Patel)ને લઈને અટકળો ચાલી રહી છે. ક્યારેક તેમના બીજેપી(BJP)માં જવાની ચર્ચા છે તો ક્યારેક આમ આદમી પાર્ટી(AAP)માં જોડાવાની અટકળો છે. પાર્ટીમાં સાઈડલાઈન અનુભવતા હાર્દિક પટેલ વિશે કહેવામાં આવી રહ્યું છે કે છેલ્લા કેટલાક દિવસોમાં તેની કોંગ્રેસ પ્રત્યેની નારાજગી વધી છે. તેનું કારણ કોંગ્રેસ તરફથી દલિત સમાજના નેતા જીગ્નેશ મેવાણી(Jignesh Mevani)નું સમર્થન છે. પીએમ નરેન્દ્ર મોદી(Narendra Modi)ને લગતા ટ્વીટના સંદર્ભમાં આસામ પોલીસે જિજ્ઞેશ મેવાણીની ધરપકડ કરી હતી. આ પછી તેઓ અન્ય કેસમાં જેલમાં હતા, પરંતુ જ્યારે તેઓ મુક્ત થયા ત્યારે કોંગ્રેસે તેમને દિલ્હી બોલાવીને આવકાર્યા હતા.
એટલું જ નહીં જીગ્નેશ મેવાણીએ પત્રકાર પરિષદમાં કોંગ્રેસના મંચ પરથી ભાજપ પર સીધો પ્રહાર કર્યો હતો. સૂત્રોના જણાવ્યા અનુસાર, હાર્દિક પટેલને લાગે છે કે આનાથી મેવાણીની રાષ્ટ્રીય સ્તરે ચર્ચા થઈ રહી છે, જ્યારે કોંગ્રેસે ક્યારેય પણ તેને આ રીતે ખુલ્લેઆમ સમર્થન આપ્યું ન હતું. પાટીદાર આંદોલનના કારણે ગુજરાત સરકારે પણ હાર્દિક પટેલ પર ઘણા કેસ કર્યા હતા, પરંતુ તેને કોંગ્રેસ તરફથી બહુ સમર્થન મળ્યું ન હતું. તેઓ ગુજરાત કોંગ્રેસના સૌથી યુવા કાર્યકારી પ્રમુખ હોવા છતાં પક્ષથી નારાજ છે.
હાર્દિકના કોંગ્રેસ છોડવાની ચર્ચાએ વધુ જોર પકડ્યું:
સોમવારથી હાર્દિક પટેલના કોંગ્રેસ છોડવાની ચર્ચાઓએ જોર પકડ્યું છે. તેનું કારણ એ છે કે તેણે પોતાની સોશિયલ મીડિયા પ્રોફાઇલમાંથી કોંગ્રેસને હટાવી દીધી છે. આ અંગે વાત કરતાં હાર્દિક પટેલે કહ્યું કે, ‘હું હજુ પણ કોંગ્રેસમાં જ છું. પરંતુ જો પાર્ટી મારો યોગ્ય નિર્ણય નહીં કરે તો હું આગળ વિચારી શકું છું. એવું કહેવામાં આવી રહ્યું છે કે હાર્દિક પટેલની એન્ટ્રીથી કોંગ્રેસનું રાજ્ય નેતૃત્વ સરળ નથી અને તેને કોઈ જવાબદારી સોંપવામાં આવી નથી. ગુજરાત વિધાનસભાની ચૂંટણી આ વર્ષના અંતમાં યોજાવાની છે અને તે અંગે પણ કોંગ્રેસ બહુ સક્રિય નથી. આવી સ્થિતિમાં હાર્દિક પટેલે પણ કહ્યું છે કે ભાજપ ખૂબ જ મજબૂત છે અને તેની તૈયારી સારી છે.
Trending News
ગુજરાતના પ્રદેશ કોંગ્રેસથી નારાજ હાર્દિક પટેલે તાજેતરમાં કોંગ્રેસ હાઈકમાન્ડને અલ્ટીમેટમ આપ્યું હતું અને એમ પણ કહ્યું હતું કે અત્યારે તે પાર્ટીમાં છે, પરંતુ કઈ આડુંઅવળું ના થાય તે પહેલા જ હાઈકમાન્ડે કંઈક કરવું પડશે. તેમણે કહ્યું કે કેટલાક એવા નેતાઓ છે જે ઈચ્છે છે કે હાર્દિક પટેલ કોંગ્રેસ છોડી દે. આવા લોકો મારા મનોબળને પાડવાનો પ્રયાસ કરી રહ્યા છે. જોકે, તેમણે કોઈ નેતાનું નામ લીધું ન હતું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.