November 24, 2024
Sidhu Moose Wala Murder: જેમ જેમ સિદ્ધુ મુસેવાલા મર્ડર કેસનો ભેદ ઉકેલાઈ રહ્યો છે તેમ તેમ તેમાં ચોંકાવનારા ખુલાસા થઈ રહ્યા છે. હવે અંકિત સિરસાની ધરપકડ કરવામાં આવી છે, જેણે મૂઝવાલાને નજીકથી ગોળી મારી હતી. નવાઈની વાત એ છે કે સિદ્ધુ મુસેવાલા પહેલા 19 વર્ષના અંકિત સિરસાએ કોઈની હત્યા કરી નથી. મતલબ મુસેવાલાની હત્યા તેની પહેલી હત્યા હતી.
જાણવા મળ્યું છે કે અંકિત સિરસા ચાર મહિના પહેલા લોરેન્સ બિશ્નોઈની ગેંગમાં જોડાયો હતો. તે 9મું પાસ હતો અને ત્યારે જ ગુનાના અંધકારમાં કૂદી પડ્યો. જણાવી દઈએ કે અંકિત સિરસાની દિલ્હી પોલીસની સ્પેશિયલ સેલે રવિવારે રાત્રે (3 જુલાઈ) તેના પાર્ટનર સાથે ધરપકડ કરી હતી. બંનેને દિલ્હીના કાશ્મીરી ગેટ નજીકથી પકડવામાં આવ્યા છે. દિલ્હી પોલીસના સ્પેશિયલ સેલ અનુસાર, સિદ્ધુ મુસેવાલાની હત્યા બાદ વધુ બે લોકો તેના નિશાના પર હતા. બંનેની હત્યા કર્યા બાદ વિદેશ ભાગી જવાનો પ્લાન હતો.
તમને જણાવી દઈએ કે અંકિત સિરસા એ જ શૂટર છે જેણે સિદ્ધુને નજીકથી ગોળી મારી હતી. આ અન્ય બદમાશ પ્રિયવ્રતા ફૌજી સાથે તેની કારમાં સવાર હતો. પ્રિયવ્રતા અને અંકિત એકસાથે ભાગી ગયા હતા. પ્રિયવ્રતની પહેલા જ ધરપકડ કરવામાં આવી છે. આ પહેલા અંકિત અને પ્રિયવ્રત ગુજરાતમાં છુપાયા હતા. બંને 7 જૂન સુધી કચ્છમાં રોકાયા હતા. તે દરમિયાન પ્રિયવ્રત માસ્ક વગર ફરવા લાગ્યો હતો. પછી તે પકડાઈ ગયો.
Trending News
અંકિત સાથે ઝડપાયેલા બીજા શૂટરનું નામ સચિન ચૌધરી છે. તેણે શૂટરોને મદદ કરી. તે હરિયાણાના ભિવાનીનો રહેવાસી છે. જ્યારે અંકિત હરિયાણાના સિરસાનો રહેવાસી હતો. બંને પાસેથી એક 9 એમએમની પિસ્તોલ, 10 કારતૂસ, 30 એમએમની પિસ્તોલ અને 9 કારતૂસ મળી આવ્યા છે. તેમની પાસેથી પંજાબ પોલીસના ત્રણ યુનિફોર્મ પણ મળી આવ્યા છે. પોલીસનો યુનિફોર્મ રાખવામાં આવ્યો હતો જેથી જરૂર પડે તો ભાગવામાં મદદ મળે. આ ઉપરાંત તેમની પાસેથી બે મોબાઈલ ફોન પણ મળી આવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.