અહિયાં ભીષણ આગમાં એકસાથે 41 લોકો જીવતા હોમાયા- દરેકના દર્દનાક મોત

અવારનવાર અનેક આગની ઘટનાઓ સામે આવતી રહે છે. ત્યારે આવી જ એક ભીષણ આગની કાળજું કંપાવી દે તેવી ઘટના સામે આવતા ચકચાર મચી જવા પામી છે. આ આગમાં ઓછામાં ઓછા 41 લોકોના મોત થયા હોવાનું સામે આવ્યું છે. આગ ક્યાં કારણોસર લાગી તે અંગેની માહિતી હજુ સામે આવી નથી. હાલમાં તો ફાયર વિભાગ દ્વારા આગ પર કાબુ મેળવી લેવામાં આવ્યો છે.

વાત કરવામાં આવે તો ઇજિપ્ત(Egypt)ની રાજધાનીમાં એક મોટી દુર્ઘટના સર્જાય છે. ઇજિપ્તની રાજધાની કાહિરા(Cairo) રવિવારે એક કોપ્ટિક ક્રિશ્ચિયન ચર્ચ(Coptic Christian Church)માં ભીષણ આગ ફાટી નીકળી હતી. આ આગમાં ઓછામાં ઓછા 41 લોકોના મોત થયા છે. આગ લાગવાનું કારણ હજુ સુધી જાણી શકાયું નથી. અધિકારીઓએ જણાવ્યું હતું કે, રાજધાનીના ઉત્તરપશ્ચિમમાં કામદાર વર્ગના જિલ્લા ઈમ્બાબામાં અબુ સિફાઈન ચર્ચમાં અજ્ઞાત કારણોસર આગ ફાટી નીકળી હતી. બાદમાં ફાયર સર્વિસે કહ્યું કે આગ પર કાબૂ મેળવી લેવામાં આવ્યો છે.

Egypt’s Coptic Church, citing health officials, says fire at Cairo church kills at least 41 people, reports AP

— Press Trust of India (@PTI_News) August 14, 2022

રાષ્ટ્રપતિએ કહ્યું- બચાવના તમામ પગલાં લેવામાં આવ્યા હતા
રાષ્ટ્રપતિ અબ્દેલ ફત્તાહ અલ-સીસીએ તેમના ફેસબુક પેજ પર જાહેરાત કરી હતી કે આગને રોકવા માટે તમામ પગલાં લેવામાં આવ્યા છે. આ માટે તમામ રાજ્ય સેવાઓને જરૂરી સૂચનાઓ આપવામાં આવી છે.