November 24, 2024
ભારત (India)માં હવે ફરી કોરોના (Corona)એ માથું ઉચક્યું હોય તેવું લાગી રહ્યું છે. ભારતમાં એક દિવસમાં કોરોના વાયરસના સંક્રમણના 14,917 નવા કેસ નોંધાયા બાદ દેશમાં સંક્રમિતોની સંખ્યા વધીને 4,42,68,381 થઈ ગઈ છે. તે જ સમયે, સારવાર હેઠળના દર્દીઓની સંખ્યા વધીને 1,17,508 થઈ ગઈ છે.
અહેવાલો અનુસાર, સંક્રમણને કારણે વધુ 32 લોકોના મોત બાદ દેશમાં મૃત્યુઆંક વધીને 5,27,069 થઈ ગયો છે. આ 32 કેસોમાં ચાર લોકોનો પણ સમાવેશ થાય છે, જેમના નામ કેરળ દ્વારા સંક્રમણને કારણે જીવ ગુમાવનારા લોકોની યાદીમાં મૂકવામાં આવ્યા છે. છેલ્લા 24 કલાકમાં સારવાર હેઠળના દર્દીઓની સંખ્યામાં 647 નો વધારો નોંધાયો છે.
દૈનિક સંક્રમણ દર 7.52 ટકા:
અપડેટેડ ડેટા અનુસાર, દૈનિક ચેપ દર 7.52 ટકા છે, જ્યારે સાપ્તાહિક ચેપ દર 4.65 ટકા છે. દર્દીઓના સાજા થવાનો રાષ્ટ્રીય દર 98.54 ટકા છે. દેશમાં અત્યાર સુધીમાં કુલ 4,36,23,804 લોકો ચેપ મુક્ત થયા છે અને કોવિડ-19થી મૃત્યુદર 1.19 ટકા છે. તે જ સમયે, દેશવ્યાપી રસીકરણ અભિયાન હેઠળ અત્યાર સુધીમાં એન્ટી-કોવિડ-19 રસીના 208.25 કરોડ ડોઝ આપવામાં આવ્યા છે.
Trending News
દિલ્હીમાં સતત 12 દિવસથી બે હજારથી વધુ કેસ:
રાજધાની દિલ્હીમાં કોરોનાની ઝડપ અટકવાનું નામ નથી લઈ રહી. રવિવારે દિલ્હીમાં કોરોનાના 2,162 નવા કેસ નોંધાયા હતા. તે જ સમયે, ચેપનો દર 12.64 ટકા નોંધાયો હતો. દિલ્હી આરોગ્ય વિભાગના જણાવ્યા અનુસાર, છેલ્લા એક દિવસમાં કોવિડથી પાંચ દર્દીઓના મોત થયા છે. આ સતત બારમો દિવસ છે, જ્યારે શહેરમાં કોરોના સંક્રમણના બે હજારથી વધુ કેસ નોંધાયા છે. શનિવારે, દિલ્હીમાં ચેપના 2,031 કેસ નોંધાયા હતા અને ચેપનો દર 12.34 ટકા નોંધાયો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.