જાનૈયાઓથી ભરેલી બોલેરોને નડ્યો ગોઝારો અક્સ્માત, એકસાથે આઠના લોકોના કમકમાટી ભર્યા મોત

ઉત્તર પ્રદેશ (Uttar Pradesh)ના સિદ્ધાર્થનગર (Siddharthnagar)માં એક મોટી દુર્ઘટનામાં આઠ લોકોના મોત નીપજ્યા છે. જાનૈયાઓથી ભરેલી એક અનિયંત્રિત બોલેરો(Bolero) પાછળથી રોડ પર પાર્ક કરેલા ટ્રક (Truck)માં ઘૂસી ગઈ હતી. આ અકસ્માતમાં 8 લોકોએ જીવ ગુમાવ્યા હતા. મળતી માહિતી અનુસાર, જાનમાંથી પરત ફરતી વખતે આ અકસ્માત(Accident) થયો હતો. કારમાં 11 લોકો સવાર હતા.

વાસ્તવમાં, જોગિયા કોતવાલી વિસ્તાર (Jogia Kotwali area)ના કાળા મીઠાના ઢાબા પાસે પુરપાટ ઝડપે આવી રહેલી બોલેરો પાછળથી રોડ પર પાર્ક કરેલી ટ્રકમાં ઘુસી ગઈ હતી. જેના કારણે આ અકસ્માત સર્જાયો હતો. અકસ્માત બાદ હોબાળો મચી ગયો હતો. ઘટના સ્થળે રાહદારીઓના ટોળા ઉમટી પડ્યા હતા. અકસ્માતની જાણ તાત્કાલિક પોલીસને કરવામાં આવી હતી. અકસ્માતના પગલે વાહન વ્યવહાર ખોરવાયો હતો. જો કે પોલીસે વાહન વ્યવહાર ચાલુ કર્યો હતો.

આ અકસ્માતમાં 8 લોકોના મોત નીપજ્યા છે. તેમજ 3 લોકો ગંભીર રીતે ઘાયલ થયા છે. તમામ ઘાયલોને જિલ્લા હોસ્પિટલમાંથી ગોરખપુર રિફર કરવામાં આવ્યા છે. અકસ્માતમાં જીવ ગુમાવનાર શોહરતગઢ પોલીસ સ્ટેશનના મહલા ગામના રહેવાસીઓ જણાવવામાં આવી રહ્યા છે.