November 20, 2024
ઉત્તર પ્રદેશ(Uttar Pradesh)ના પીલીભીત(Pilibhit)માં એક અનોખા લગ્ન(Unique wedding) જોવા મળ્યા છે. જ્યાં વરરાજો 4 કલાક માટે પેરોલ જેલમાંથી બહાર આવ્યો હતો. કન્યા સાથે સાત ફેરા લીધા અને પાછો જેલમાં ગયો હતો. હાલમાં તો આ લગ્ન સમગ્ર વિસ્તારમાં ચર્ચાનો વિષય બની રહ્યા છે.
સોનમ નામની યુવતીએ પોલીસમાં ફરિયાદ નોંધાવી હતી કે, એક યુવકે લગ્નના બહાને પહેલા તેનું શોષણ કર્યું અને પછી તેની સાથે લગ્ન કરવાની ના પાડી. યુવતીની ફરિયાદના આધારે પોલીસે આરોપી યુવક વિરુદ્ધ કલમ 376 હેઠળ કેસ નોંધીને તેની ધરપકડ કરી અને તેને જેલમાં મોકલી દીધો. યુવક જેલમાં ગયો ત્યારે તેના પરિવારના સભ્યોનો પર્દાફાશ થયો અને તેણે યુવતીના પરિવારજનો સાથે સમાધાનનો પ્રસ્તાવ મૂક્યો. તેના પર યુવતીના પરિવારજનોએ લગ્નની વાત જણાવી અને બંને પરિવારોએ 23 ઓગસ્ટની તારીખ નક્કી કરી.
તેણે કોર્ટમાં જઈને સોગંદનામું દાખલ કર્યું. કોર્ટે યુવકને 4 કલાક માટે પેરોલ આપ્યો અને કહ્યું કે બંને એકબીજા સાથે લગ્ન કરે અને કોર્ટમાં આ વાતની સાબિતી આપે. આ પછી આરોપી અમિત કુમાર જેલમાંથી મંદિર પહોંચ્યો જ્યાં તેને શણગાર કરવામાં આવ્યો હતો અને ત્યારબાદ દુલ્હન સોનમ પણ તૈયાર થઈને મંદિર પહોંચી હતી. બંનેના લગ્ન થઈ ગયા. આ દરમિયાન મોટી સંખ્યામાં પોલીસકર્મીઓ પણ હાજર હતા.
Trending News
હવન કુંડની આસપાસ પોલીસ બંદોબસ્ત હતો અને જેલનું વ્રજ વાહન પણ મંડપની પાસે હાજર હતું. લગ્નની તમામ વિધિઓ પૂરી થયા બાદ વરરાજા જેલમાં ગયો અને કન્યા રડતી રડતી વરરાજાના ઘરે ગઈ. હાલમાં આ લગ્ન ચર્ચાનો વિષય બન્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.