નોકરી આપવાના બહાને 400 યુવાનોનું કરોડોનું કરી નાખ્યું, બે માસ્ટર માઈન્ડની ધરપકડ- જાણો કેવી રીતે આપતા અંજામ?

રોહિણી(Rohini) જિલ્લાના સાયબર સેલે(Cyber cell) બહુરાષ્ટ્રીય કંપનીઓ (Multinational companies)માં સારા પેકેજની ઓફર કરીને છેતરપિંડી(Fraud) કરનારા બે આરોપીઓની ધરપકડ કરી છે. આરોપીઓએ છેલ્લા એક વર્ષમાં 400થી વધુ યુવકો પાસેથી કરોડો રૂપિયાની છેતરપિંડી કરી છે. કોલ સેન્ટર (Call center)માં કામ કરતી વખતે આરોપીઓને છેતરપિંડીનો આઈડિયા આવ્યો અને તેઓ ટૂંક સમયમાં પોતાનું કોલ સેન્ટર પણ ખોલવા જઈ રહ્યા હતા.

તેમની પાસેથી ત્રણ લેપટોપ, નવ સિમ કાર્ડ, નવ મોબાઈલ ફોન, બે વાઈ-ફાઈ રાઉટર, રૂ. 47 હજાર રોકડ, 23 ડેબિટ કાર્ડ, 7 ચેકબુક અને એક કંપનીના નકલી સ્ટેમ્પ મળી આવ્યા છે. પોલીસે તેમની ધરપકડ સાથે તેલંગાણામાં છેતરપિંડીના બે કેસ ઉકેલ્યા હોવાનો દાવો કર્યો છે.

રોહિણી જિલ્લાના ડીસીપી પ્રણવ તયાલે જણાવ્યું કે, રોહિણીના પોકેટ-9 સેક્ટર-22માં રહેતા જતિન પાલે 8 એપ્રિલે NCRP પોર્ટલ પર ફરિયાદ નોંધાવી હતી કે તેમને 5 એપ્રિલે એક વ્યક્તિનો ફોન આવ્યો હતો. તેણે કહ્યું કે, પ્રોફાઇલ નોવાર્ટિસ કંપનીમાં નોકરી માટે શોર્ટલિસ્ટ કરવામાં આવી છે. જતીન પાલનો ઓનલાઈન ઈન્ટરવ્યુ લેવામાં આવ્યો હતો અને ગુગલ મીટ એપ્લિકેશન પર આરોપી દ્વારા ટેસ્ટ લેવામાં આવ્યો હતો. ત્યારપછી, જતિનપાલને ઈ-મેલ દ્વારા એપોઈન્ટમેન્ટ લેટર મોકલવામાં આવ્યો અને જણાવવામાં આવ્યું કે કંપની બેઝ એનાલિસિસ માટે કોગ્નોસ સોફ્ટવેરનો ઉપયોગ કરે છે.

IBM વતી કોગ્નોસ સોફ્ટવેરનો ઉપયોગ કેવી રીતે કરવો તે શીખવવાના બદલામાં, તેણે 17700 રૂપિયા માંગ્યા. પૈસા મળ્યા બાદ આરોપીએ જતીન પાલના ફોન ઉપાડવાનું બંધ કરી દીધું હતું. એસઆઈ બિજેન્દ્ર કાદ્યાન, એસઆઈ શિપ્રા સિંહ અને અન્યની ટીમે તપાસ શરૂ કરી અને 12 એપ્રિલે જનકપુરીના રહેવાસી સિદ્ધાર્થ કાર્કી અને ઉત્તમ નગરના રહેવાસી આયુષ રાજપૂતની ધરપકડ કરવામાં આવી. આયુષે B.Com કર્યું છે, જ્યારે સિદ્ધાર્થે B.B.A કર્યું છે.