November 28, 2024
ગુજરાત(Gujarat): કચ્છ(Kutch)માં મોડી રાત્રે થયેલા ગોઝારા અકસ્માત(Accident)માં એક જ પરિવારનાં ચાર લોકોના મોત થતા ચકચાર મચી જવા પામી છે. મળતી માહિતી અનુસાર, આ અકસ્માત દેવપર(Devpar) નજીક થયો હતો. નખત્રાણા(Nakhtrana)ના દેવપર અને ધાવડા વચ્ચે આ દર્દનાક અકસ્માત સર્જાયો હતો. ટ્રક અને કાર વચ્ચે થયેલા આ જોરદાર અકસ્માતમાં એક જ પરિવારનાં ચાંર લોકોનાં મોત થતા હાહાકાર મચી જવા પામ્યો છે.
જણાવી દઈએ કે, ટ્રકની ટક્કર બાદ કારમાં સવાર કુલ છ લોકોમાંથી ચાર લોકોનાં કરુણ મોત થયા છે, જ્યારે બે લોકોનાં ગંભીર ઈજા પહોંચી છે. વાત કરવામાં આવે તો મૃતકોમાં બે મહિલા, એક પુરુષ અને એક બાળકનો સમાવેશ થાય છે. ગંભીર રીતે ઈજાગ્રસ્ત થયેલા બંને લોકોને સારવાર અર્થે હોસ્પિટલમાં ખસેડવામાં આવ્યા છે. અકસ્માતનો ભોગ બનેલો પરિવાર નખત્રાણાના મણીનગરનો ગોસ્વામી પરિવાર હોવાનું બહાર આવ્યું છે.
મધ્યરાત્રે સર્જાયેલ આ ગોઝારા અકસ્માતમાં પ્રાથમિક માહિતી અનુસાર રોડ પર બંધ હાલતમાં ઊભેલી ટ્રક પાછળ પરિવારને લઈ જતી કાર ઘૂસી જતાં કાળજું કંપાવી દે તેવો અકસ્માત સર્જાયો હતો. આ અક્સ્માતમાં મૃત્યુ પામેલ લોકો નખત્રાણાના હોવાનું સામે આવ્યું છે.
Trending News
અકસ્માતનો ભોગ બનેલા લોકો:
આ ગમખ્વાર અકસ્માતમાં કસ્તુરબેન દિનેશભારથી ગોસ્વામી (ઉં.વ. 53 વર્ષ), સંગીતાબેન ચેતનભારથી (ઉં.વ. 25 વર્ષ), પરેશભારથી બચુભારથી (ઉં.વ. 50 વર્ષ) અને મનભારથી ચેતનભારથી (ઉં.વ. 3 વર્ષ)ના કરુણ મોત નીપજ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.