શહીદ પતિનું સપનું પૂર્ણ કરવા પત્નીએ બાળક છોડીને દેશપ્રેમ પસંદ કર્યો, ૧૧ મહિનાની કઠીન તાલીમ બાદ મળી આર્મીમાં એન્ટ્રી

ભારતીય સેના (Indian Army)ની એક મહિલા આર્મી ઓફિસર (Army officer)નો વીડિયો(Viral video) સોશિયલ મીડિયા(Social media) પર ખૂબ જ વાયરલ થઈ રહ્યો છે, જેમાં તે પોતાના જીવનના મુશ્કેલ સમયથી લઈને પોતાના લક્ષ્યને પ્રાપ્ત કરવા સુધીની સફર જણાવતી જોવા મળી રહી છે. તેણે સેનામાં લેફ્ટનન્ટ(Lieutenant) બનવાનો શ્રેય તેના સ્વર્ગસ્થ પતિને આપ્યો છે. તેના ચહેરા પરનું સ્મિત જણાવી રહ્યું છે કે તે આ સેનામાં જોડાઈને કેટલી ખુશ છે.

#WATCH | Lt Rigzin Chorol commissioned as an officer in the Indian Army after passing out from Officers’ Training Academy. Hailing from Ladakh, she fulfilled the dream of her late husband, Rfn Rigzin Khandap (3 LADAKH SCOUTS)

Video source: Indian Army pic.twitter.com/74vJDxodNb

— ANI (@ANI) October 30, 2022

વાસ્તવમાં, વીડિયોમાં જોઈ શકાય છે કે ભારતીય સેનાની મહિલા અધિકારી લેફ્ટનન્ટ રિગિન શોરોલ તેના પુત્રને ખોળામાં લઈને જઈ રહી છે. તે ભારતીય સેનાના યુનિફોર્મમાં જોવા મળી રહી છે. તેમના પતિનું સ્વપ્ન શોરોલ આર્મીમાં જોડાવાનું હતું. 11 મહિનાની સખત તાલીમ પછી, તે તેના સ્વર્ગસ્થ પતિ રિગ્ઝિન ખંડપનું સ્વપ્ન પૂરું કરીને ખૂબ જ ખુશ દેખાઈ રહી છે.

એક સમારોહ દરમિયાન લેફ્ટનન્ટ રિગિન શોરોલે કહ્યું કે, “મેં મારા પતિનું સપનું પૂરું કર્યું છે. તે ઈચ્છતો હતો કે હું આર્મી ઓફિસર બનું. આર્મીમાં મારી સફર ડિસેમ્બર 2021માં શરૂ થઈ હતી અને 11 મહિનાની સખત તાલીમ બાદ હું ઓફિસર બની છુ. તે દરમિયાન હું એકલી રહી અને મારા બાળકથી દુર રહીને મારું લક્ષ્ય પૂરું કર્યું. મને ખાતરી છે કે મારા પતિને મારા પર ગર્વ થશે.