November 24, 2024
Satish Kaushik (સતીશ કૌશિક): પ્રખ્યાત અભિનેતા (actor), કોમેડિયન (Comedian) અને ડાયરેક્ટર (Director) સતીશ કૌશિક હવે આપણી વચ્ચે નથી રહ્યા. અભિનેતાનું આજે વહેલી સવારે નિધન થયું છે. અભિનેતાના આકસ્મિક નિધનથી દરેક જણ આઘાતમાં છે. તમને જણાવી દયે કે, અભિનેતાનો મૃતદેહ ગુરુગ્રામની ફોર્ટિસ હોસ્પિટલમાં છે. પોસ્ટમોર્ટમ બાદ મૃતદેહને મુંબઈ લઈ જવામાં આવશે.
તમને જણાવી દયે કે, સતીશ કૌશિકના પરિવારમાં તેમની પત્ની શશિ કૌશિક અને પુત્રી વંશિકા છે. સતીશ કૌશિકે ઈન્ડસ્ટ્રીમાં લાંબો સમય વિતાવ્યો હતો. પોતાની કારકિર્દીમાં તેણે 100 થી વધુ ફિલ્મોમાં અભિનય કર્યો છે. પોતાના અભિનયથી દર્શકોના દિલ પર રાજ કરનાર સતીશ કૌશિક પોતાના પરિવાર માટે કરોડોની સંપત્તિ છોડી ગયા છે.
Trending News
સતીશ કૌશિકે લગભગ ત્રણ દાયકા સુધી ફિલ્મ ઈન્ડસ્ટ્રી પર રાજ કર્યું છે. આટલા વર્ષોમાં, તેણે માત્ર તેના અભિનયનો જાદુ જ નથી ફેલાવ્યો પરંતુ તેના દિગ્દર્શન અને સંવાદ લેખનથી પણ દિલ જીતી લીધા. જાન્યુઆરીમાં ZEE5 પર રિલીઝ થયેલી રકુલ પ્રીત સિંહની ફિલ્મ ‘છત્રીવાલી’એ દર્શકોના દિલ જીતી લીધા હતા.
પોતાની પ્રતિભાના આધારે તેણે કરોડોની સંપત્તિ કમાઈ છે. તેણે તેની પત્ની અને પુત્રી માટે મોટી સંપત્તિ છોડી છે. મીડિયા રિપોર્ટ્સ અનુસાર, અભિનેતા લગભગ 40 કરોડ રૂપિયાની સંપત્તિનો માલિક હતો. જણાવી દઈએ કે, સતીશ કૌશિક હોળીનો તહેવાર મનાવવા માટે દિલ્હી આવ્યા હતા.
અહીં તેમની તબિયત બગડતાં તેમને ગુરુગ્રામની ફોર્ટિસ હોસ્પિટલમાં દાખલ કરવામાં આવ્યા હતા. ડૉક્ટરોએ તેની સારવાર કરી, પરંતુ તેઓ અભિનેતાને બચાવી શક્યા નહીં. સતીશ કૌશિકે ગુરુવારે વહેલી સવારે અંતિમ શ્વાસ લીધા હતા. અભિનેતાના મૃતદેહને પોસ્ટમોર્ટમ માટે દીનદયાલ હોસ્પિટલમાં લઈ જવામાં આવ્યો છે. પોસ્ટમોર્ટમ બાદ મૃતદેહને મુંબઈ લઈ જવામાં આવશે.
સતીશ કૌશિકનું પાર્થિવ દેહ આજે બપોરે 3 વાગ્યા સુધીમાં મુંબઈ પહોંચશે, ત્યારબાદ તેમના અંતિમ સંસ્કાર કરવામાં આવશે. જણાવી દઈએ કે અભિનેતા કંગના રનૌતની આગામી ફિલ્મ ‘ઇમરજન્સી’માં જોવા મળવાનો હતો. થોડા સમય પહેલા તેનો ફર્સ્ટ લુક રિલીઝ કરવામાં આવ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.