સિંગાપુરમાં ભારતીય મૂળના યુવકને ફાંસીના માંચડે લટકાવીને આપ્યું દર્દનાક મોત “ઓમ શાંતિ”

સિંગાપોરે(Singapore) બુધવારે ગાંજાની દાણચોરીના દોષિત એક વ્યક્તિને ફાંસી આપીને મોતની સજા આપી હતી. આ વ્યક્તિનું નામ તંગરાજુ સુપૈયા છે અને તે ભારતીય મૂળનો વ્યક્તિ હતો પરંતુ તેની નાગરિકતા સિંગાપોરની હતી. આ વ્યક્તિના પરિવારે Singapore સરકારને માફી માટે દયાની અરજી કરી હતી. પરંતુ તેના પરિવારની માંગ સાંભળવામાં આવી ન હતી.

ન્યૂઝ એજન્સી અનુસાર, 46 વર્ષીય તંગરાજુ સુપૈયાને 2013માં 1 કિલોથી વધુ ગાંજાની દાણચોરીમાં પ્રોત્સાહન આપવા બદલ દોષી ઠેરવવામાં આવ્યો હતો. સિંગાપોરમાં ડ્રગ્સ સામે ખૂબ જ કડક નિયમો છે. અધિકારીઓનું કહેવું છે કે સિંગાપોર સમાજની સુરક્ષા માટે તે જરૂરી છે.

આ કેસમાં પરિવારનું પ્રતિનિધિત્વ કરતા Singapore ના માનવાધિકાર કાર્યકર્તા કોકિલા અન્નામલાઈએ પુષ્ટિ કરી કે સુપિયાને ફાંસીની પૂર્વ સંધ્યાએ રાષ્ટ્રપતિએ માફીની અપીલ નકારી કાઢ્યા પછી તેને ફાંસી આપવામાં આવી હતી. જ્યારે આ મામલે સિંગાપોર સરકારનો જવાબ માંગવામાં આવ્યો ત્યારે તેમની તરફથી કોઈ જવાબ આવ્યો ન હતો.

સંયુક્ત રાષ્ટ્ર માનવાધિકાર સંગઠન સહિત અન્ય ઘણા માનવાધિકાર સંગઠનોએ સુપૈયાને આપવામાં આવેલી ફાંસીની સજાનો વિરોધ કર્યો છે. બ્રિટિશ અબજોપતિ રિચર્ડ બ્રેન્સન પણ આ સજાનો વિરોધ કરી રહ્યા છે. બ્રેન્સન ફાંસીની સજાના નિર્ણયોનો વિરોધ કરે છે. તેણે કહ્યું હતું કે સુપિયા વિરુદ્ધનો ચુકાદો ગુનાહિત દોષિત ઠરાવના ધોરણોને પૂર્ણ કરતો નથી કારણ કે જ્યારે તેની ધરપકડ કરવામાં આવી હતી ત્યારે તે ડ્રગ્સના પાસે ન હતો.