ગૌતમ ગંભીરને જોતા જ ફેંસ લગાવવા લાગ્યા કોહલી કોહલીના નારા- પછી તો ગંભીરનો બાટલો ફાટ્યો અને… જુઓ વિડીયો

IPL 2023 ની 45મી મેચ લખનૌ સુપર જાયન્ટ્સ અને ચેન્નાઈ સુપર કિંગ્સ (LSG vs CSK) વચ્ચે રમાઈ હતી જે માત્ર 19.2 ઓવર જ ચાલી શકી હતી અને વરસાદને કારણે રદ કરવામાં આવી હતી. મેચ રદ્દ થયા બાદ બંને ટીમોને 1-1 પોઈન્ટથી સંતોષ માનવો પડ્યો હતો. જો કે, આ મેચમાં ફરી એકવાર ચાહકોને LSG મેન્ટર ગૌતમ ગંભીરની નારાજ પ્રતિક્રિયા જોવા મળી હતી. ગંભીરનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.

વાસ્તવમાં વરસાદના કારણે મેચ રદ્દ થયા બાદ ગંભીરનો એક વીડિયો સામે આવ્યો છે, જેમાં તેને જોઈને ફેન્સ ‘કોહલી-કોહલી’ની બૂમો પાડી રહ્યા છે. આ ઘટના ત્યારે બની જ્યારે ભૂતપૂર્વ ભારતીય બેટ્સમેન ગંભીર ડ્રેસિંગ રૂમમાં સીડીઓ ચઢી રહ્યો હતો. તે સમયે સ્ટેન્ડમાં હાજર કેટલાક ચાહકોએ ‘કોહલી-કોહલી’ ના નારા લગાવવા માંડ્યા. આ સાંભળીને, ગંભીર ગુસ્સે થઈ જાય છે, થોડીવાર ઉભો રહે છે અને ચાહકો તરફ જોવા લાગે છે. ગંભીરનો આ વીડિયો હાલ સોશિયલ મીડિયા પર વાયરલ થઈ રહ્યો છે.

This is brutal ragging from the crowd. 😂 #LSGvsCSK #ViratKohli #GautamGambhir pic.twitter.com/q13QRBdKDS

— ESCN 18 🤙 (@EddyTweetzBro) May 4, 2023

તમને જણાવી દઈએ કે ‘કોહલી-કોહલી’ ના નારા સાંભળ્યા બાદ ગંભીર ગુસ્સામાં જોવા મળ્યો હતો, કારણ કે 1 મેના રોજ LSG vs RCB મેચ દરમિયાન બંને વચ્ચે ઉગ્ર બોલાચાલી થઈ હતી. આ મેચમાં બેંગ્લોરે લખનૌને 18 રનથી હરાવ્યું હતું.