November 25, 2024
Aditya Singh Rajput Death: ટીવી એક્ટર અને કાસ્ટિંગ ડિરેક્ટર આદિત્ય સિંહ રાજપૂત (Aditya Singh Rajput) નું સોમવારે શંકાસ્પદ સંજોગોમાં મૃત્યુ થયું હતું, તે માત્ર 32 વર્ષનો હતો. તેનો મૃતદેહ અંધેરીમાં તેના ઘરના બાથરૂમમાંથી મળી આવ્યો હતો. તેના મિત્ર અને બિલ્ડિંગના ચોકીદાર તેને હોસ્પિટલ લઈ ગયા, જ્યાં ડોક્ટરોએ તેને મૃત જાહેર કર્યો. મીડિયા રિપોર્ટ્સ અનુસાર, તેમના મૃત્યુનું કારણ ડ્રગ ઓવરડોઝ હોઈ શકે છે. આદિત્ય સિંહ રાજપૂત દિલ્હીનો રહેવાસી હતો. તે ઘણા વર્ષોથી મુંબઈના અંધેરીમાં લશ્કરિયા હાઈટ્સ નામની ઈમારતમાં તેના રૂમ પાર્ટનર સાથે રહેતો હતો.
તેણે 17 વર્ષની ઉંમરે મોડલ તરીકે પોતાની કારકિર્દીની શરૂઆત કરી હતી. તેણે મૈંને ગાંધી કો નહીં મારા અને ક્રાંતિવીર જેવી ફિલ્મોમાં કામ કર્યું હતું. આદિત્ય 300 થી વધુ એડ વીડિયોમાં જોવા મળ્યો હતો. તે રિયાલિટી શો સ્પ્લિટ્સવિલામાં પણ જોવા મળ્યો હતો.
Trending News
મળેલી માહિતી મુજબ મુંબઈ પોલીસને શરૂઆતમાં આ ઘટનાની જાણ કરવામાં આવી ન હતી. મિત્રો અને ચોકીદારની મદદથી મૃતદેહને પ્રથમ ખાનગી હોસ્પિટલમાં લઈ જવામાં આવ્યો હતો, ત્યારબાદ મહાનગરપાલિકાના જોગેશ્વરી ખાતેના ટ્રોમા કેર સેન્ટરમાં ખસેડવામાં આવ્યો હતો.
આ પછી પોલીસને આ મામલાની જાણ થઈ. પોલીસે તપાસ કરી તો જાણવા મળ્યું કે આદિત્ય બીમાર છે. પોલીસે કહ્યું છે કે આદિત્યનું મોત બાથરૂમમાં પડી જવાથી થયું હોઈ શકે છે. જો કે તેણે કાલે રાત્રે જ ઈન્સ્ટાગ્રામ પર સ્ટોરી પોસ્ટ કરી હતી અને આ તસવીરો દર્શાવે છે કે તે તેના મૃત્યુના કલાકો પહેલા પાર્ટી કરી રહ્યો હતો. 17 કલાક પહેલા આદિત્યની આ ઇન્સ્ટાગ્રામ સ્ટોરી જુઓ...
આદિત્યનો જન્મ દિલ્હીમાં થયો હોવા છતાં તેનો પરિવાર મૂળ ઉત્તરાખંડનો છે. તેના માતા-પિતા ઉપરાંત આદિત્યના પરિવારમાં એક મોટી બહેન પણ છે. તેણે સૌરવ ગાંગુલી અને ઋત્વિક રોશન સાથે હીરો હોન્ડાની એડ પણ કરી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.