November 24, 2024
ભારતનો T20 કેપ્ટન હાર્દિક પંડ્યા (Hardik Pandya News) ‘પોતાની જૂની ટીમમાં પરત ફર્યો’ છે. હાર્દિકે પોતે આ વાતની પુષ્ટિ કરી છે. તેણે સોમવારે સોશિયલ મીડિયા પર એક પોસ્ટ સાથે તમામ અટકળો પર પૂર્ણવિરામ મૂક્યું હતું. હાર્દિકે શેર કરેલી પોસ્ટમાં તે મુંબઈ ઈન્ડિયન્સની જર્સીમાં જોવા મળી રહ્યો છે. હાર્દિકે પણ લખ્યું- હોમ, MI હોમ. વાસ્તવમાં, તેણે MI તરીકે ‘MI’ લખ્યું છે જે મુંબઈ ઈન્ડિયન્સનું ટૂંકું સ્વરૂપ છે.
હાર્દિક પંડ્યાએ (Hardik Pandya joins MI) હવે ગુજરાત ટાઇટન્સ છોડી દીધું છે. તે IPL (IPL-2024)ની આગામી સિઝનમાં મુંબઈ ઈન્ડિયન્સ તરફથી રમતા જોવા મળશે. જો કે, તે સુકાનીપદ સંભાળશે કે રોહિત શર્માના નેતૃત્વમાં રમશે તેના પર સસ્પેન્સ યથાવત છે.
𝗛𝗢𝗠𝗘. 𝕄𝕀 𝗛𝗢𝗠𝗘 💙 pic.twitter.com/zNeCJN4Oqt
— hardik pandya (@hardikpandya7) November 27, 2023
Trending News
કોણ બનશે MI નું કેપ્ટન?
ચાહકોના મનમાં હજુ પણ એક પ્રશ્ન છે કે આગામી સિઝનમાં મુંબઈની કપ્તાની કોણ સંભાળશે? વાસ્તવમાં, રોહિત શર્મા છેલ્લા ઘણા સમયથી ટીમનું નેતૃત્વ કરી રહ્યો છે. એટલું જ નહીં, મુંબઈ IPL લીગની સૌથી સફળ ટીમોમાં સામેલ છે. તેણે ચેન્નાઈ સુપર કિંગ્સ (CSK)ની જેટલી જ એટલે કે 5 વખત IPL ટ્રોફી જીતી છે. હવે લોકો હાર્દિક વિશે પૂછી રહ્યા છે કે જ્યારે તે ગુજરાતમાં કેપ્ટનશીપ સંભાળતો હતો ત્યારે હવે તે મુંબઈમાં ખેલાડી તરીકે કેવી રીતે રમશે.
ગુજરાત ટાઈટન્સ ડેબ્યૂ સિઝનમાં ચેમ્પિયન બની હતી
ગુજરાત ટાઇટન્સ ટીમે IPL 2022માં ડેબ્યૂ કર્યું હતું અને હાર્દિક પંડ્યાને કેપ્ટનશિપ આપવામાં આવી હતી. ગુજરાતે IPLની તેની પ્રથમ સિઝનમાં જ ચેમ્પિયન બનવાનું ગૌરવ પ્રાપ્ત કર્યું હતું. આ પછી, છેલ્લી સિઝનમાં એટલે કે 2023માં જ રમાયેલી સિઝનમાં ગુજરાત ફાઇનલમાં પહોંચ્યું હતું. ગુજરાતે પહેલી સિઝનમાં હાર્દિકને 15 કરોડ રૂપિયા આપ્યા હતા. એવું માનવામાં આવે છે કે મુંબઈ ઈન્ડિયન્સે ભવિષ્યની યોજનાઓ પર ધ્યાન કેન્દ્રિત કરીને પંડ્યાનો સમાવેશ કર્યો છે, કારણ કે 2025માં ‘મેગા ઓક્શન’ થશે અને દરેક ફ્રેન્ચાઈઝી યુવા ખેલાડીઓ સાથે નવી ટીમ બનાવવાનો પ્રયાસ કરશે.
મુંબઈએ હાર્દિક પંડ્યા ને લેવા 17.5 કરોડની કિંમતનો ખેલાડીને રીલીઝ કર્યો
મુંબઈ ઈન્ડિયન્સે ઓલરાઉન્ડર કેમેરોન ગ્રીનને રોયલ ચેલેન્જર્સ બેંગ્લોર (RCB) સાથે ‘ઓલ કેશ’ ડીલમાં સોદો કર્યો છે. આ પછી, ફ્રેન્ચાઇઝી પાસે ગુજરાત ટાઇટન્સ સાથે ‘ઓલ ઇન કેશ ટ્રેડ’ કરવા માટે જરૂરી ભંડોળ હતું. આઈપીએલ 2023ની હરાજીમાં મુંબઈએ ગ્રીનને 17.5 કરોડ રૂપિયાની મોટી રકમમાં ખરીદ્યો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube