પત્ની પતિથી મોબાઈલ છુપાવતી હતી, એક દિવસ પતિએ જબરદસ્તી મોબાઇલ માંગ્યો અને પછી

બાગૌલી પોલીસ સ્ટેશન વિસ્તારના આશારામ મજરા પકરીયા ગામના રહેવાસી અનુરુધ શર્મા ખેડૂત છે. તેણે જણાવ્યું કે, મંગળવારે સવારે પત્ની અર્ચના તેના મોબાઇલમાં વ્યસ્ત હતી. જ્યારે તેણે પત્ની પાસે મોબાઈલ માંગ્યો ત્યારે પત્નીએ મોબઈલ આપવાનો ઇનકાર કર્યો હતો. આ અંગે બંને વચ્ચે દલીલ થઈ હતી. આ પછી અનુરુધ ખેતરે જતો રહયો. બપોરે અર્ચનાએ બારણું બંધ કરીને ઓરડામાં કેરોસીન છાંટીને પોતાની જાતને સળગાવી દીધી. તે જ સમયે, અનુરુધ કહે છે કે, પત્ની ઘણીવાર ફોનને છુપાવતી રહેતી હતી. તેણે મોબાઈલમાં એક પાસવર્ડ પણ રાખ્યો હતો જેનો પાસવર્ડ તે માત્ર એકલી જ જાણતી હતી.

તેની ચીસો સાંભળીને પુત્ર અને પુત્રીએ પણ બૂમ પાડી. અવાજ સાંભળીને પડોશીઓ ઘટના સ્થળે દોડી આવ્યા હતા અને દરવાજો તોડીને અર્ચનાને બહાર કાઢી હતી, પરંતુ ત્યાં સુધીમાં તે ખૂબ જ દાઝી ગઈ હતી.ઘટનાની જાણ થતાં મહિલાના મામા પણ ઘટના સ્થળે પહોંચી ગયા હતા. તેણે અર્ચનાને જિલ્લા હોસ્પિટલમાં દાખલ કરાવી.