ચોર સમજી 7 લોકોએ વૃક્ષ સાથે બાંધીને માર મારતા યુવાનનું મોત

મોરબીના રફાળેશ્વર ગામ નજીક અજાણ્યા યુવાનનો મૃતદેહ મળી આવ્યો હતો ત્યારબાદ પોલીસે તપાસ હાથ ધરી હતી. જેમાં સાત લોકોએ વૃક્ષ સાથે બાંધીને માર મારતા યુવાનનું મોત થયાનો ખુલાસો થયો છે.પોલીસે સાતેય વિરુદ્ધ હત્યાનો ગુન્હો નોંધી વધુ તપાસ ચલાવી છે.

તસ્વીરો સાંકેતિક છે

મોરબીના રફાળેશ્વર જીઆઈડીસી નજીક ૨૫ વર્ષના અજાણ્યા યુવાનનો મૃતદેહ પડયો હોવાની માહિતી મળતા તાલુકા પોલીસ ટીમ દોડી ગઈ હતી અને યુવાનના મૃતદેહને પી.એમ. માટે હોસ્પિટલ ખસેડીને તપાસ આદરી હતી. જેમાં મૃતક અજાણ્યા યુવાનના શરીર પર ઈજાના નિશાનો મળી આવતા યુવાનને માર મારતા તેનું મોત થયાની શંકા પોલીસે વ્યક્ત કરી હતી.હત્યાની આશંકા સાથે તપાસ ચલાવી હતી. જેમાં યુવાનને ચોર સમજીને માર મારતા તેનું મોત થયાનો ખુલાસો થયો છે, ત્યારે મોરબી તાલુકા પીએસઆઈએ જાતે ફરિયાદી બની હત્યાનો ગુન્હો નોંધ્યો છે. જેમાં મોરબી તાલુકા પોલીસ મથકના પીએસઆઈ આર. એ. જાડેજાએ ફરિયાદી બની ફરિયાદ નોંધી છે.