રાહુલ ગાંધીએ માન્યું: સુપ્રીમ કોર્ટે નથી કહ્યું કે ચોકીદાર છે, કોર્ટમાં માંગી માફી

રાફેલ મામલે પ્રધાનમંત્રી નરેન્દ્ર મોદી પર નિવેદનબાજી કરવાના મામલામાં કોંગ્રેસ અધ્યક્ષ રાહુલ ગાંધીએ સુપ્રીમ કોર્ટમાં પોતાનું સ્પષ્ટીકરણ દાખલ કર્યું છે. આ દરમિયાન “ચોકીદાર ચોર છે” તે નિવેદન પર રાહુલ ગાંધીએ માફી માંગી છે. કોંગ્રેસ અધ્યક્ષ રાહુલ ગાંધીએ માન્યું છે કે, સુપ્રીમ કોર્ટે નથી કહ્યું કે ચોકીદાર ચોર છે. સુપ્રીમ કોર્ટમાં રાહુલ ગાંધી એ એફિડેવિટ દાખલ કરીને માફી માંગી છે. સાથે તેણે પોતાના નિવેદન પર સફાઇ દેતા કહ્યું છે કે, રાહુલ ગાંધી દ્વારા ચૂંટણી પ્રચાર દરમિયાન ઉત્તેજના માં આવી ને પોતાના મોઢા માંથી આ નિવેદન નીકળી ગયું છે. રાહુલ ગાંધીએ માન્યું છે કે સુપ્રીમ કોર્ટે આવું નથી કીધું કે, ચોકીદાર ચોર છે. હવે સુપ્રીમ કોર્ટ આવતી કાલે આ મામલે વધુ સુનાવણી કરશે.

ઉલ્લેખનીય છે કે ભાજપ સાંસદ મીનાક્ષી લેખી દ્વારા કોર્ટની અવમાનના કરવા બદલ એક જાહેર હિતની અરજી કરી હતી. જેના ઉપર 15 એપ્રિલે સુપ્રીમ કોર્ટે કહ્યું હતું કે, અમે એ સ્પષ્ટ કરીએ છીએ કે, જવાબ આપનાર વ્યક્તિએ સુપ્રીમ કોર્ટનો હવાલો દઇને જે કહ્યું છે. તે ખોટું કહ્યું છે કોર્ટે એવું ક્યારેય નથી કહ્યું કે, ચોકીદાર ચોર છે. કોર્ટ આવી ટિપ્પણી કરી પણ ન શકે.