અંદરોઅંદર સહેલીઓને ન્યુડ ફોટા-વીડિયો મોકલતી યુવતીઓ માટે લાલબત્તી સમાન કિસ્સો

અમદાવાદની એક સગીરાને યુવકો સાથે મિત્રતા રાખવી જોખમી સાબીત થઈ છે. પોતાની મહિલા મિત્રના પતિ દ્વારા અન્ય યુવકો સાથે મિત્રતા થઈ હતી. આ જ યુવકોએ યુવતીના નગ્ન ફોટા મેળવી તેના પિતા પાસે ખંડણી માંગવામાં આવી હતી. જે અંગે પોલીસે ગુનો નોંધી 3 આરોપીની ધરપકડ કરી છે.

હાલમાં પ્રેમી પંખીડાઓ વોટ્સએપ કોલ સહિત પોતાના અંગત ફોટા અને વીડિયો શેર કરતાં હોય છે. પણ આ વસ્તુ તેમના માટે જે કેટલી જોખમી સાબિત થઈ શકે છે તેનો એક ચોંકાવનારો કિસ્સો અમદાવાદમાં સામે આવ્યો છે. અમદાવાદની એક સગીરાને યુવકો સાથે મિત્રતા રાખવી જોખમી સાબિત થઈ છે. પોતાની મહિલા મિત્રના પતિ દ્વારા અન્ય યુવકો સાથે મિત્રતા થઈ હતી. આ જ યુવકોએ યુવતીના ન્યુડ ફોટા મેળવી તેના પિતા પાસે ખંડણી માંગવામાં આવી હતી. જે અંગે પોલીસે ગુનો નોંધી 3 આરોપીની ધરપકડ કરી છે.

અમદાવાદનાં સરદારનગર પોલીસે જીતુ અલિયાણી, નિકુંજ રાઠોડ, રોહિત ભાટિયાની ખંડણીના ગુનામાં ધરપકડ કરી છે. આ 3 આરોપીએ 16 વર્ષની સગીરાના ન્યુડ ફોટા અને વીડિયો મેળવી તેના પિતા પાસેથી 15 લાખની ખંડણી માંગી હતી. અને જો રૂપિયા નહીં આપવામાં આવે તો તેમની સગીર દીકરીની ઈજ્જતને સોશિયલ મીડીયામાં વાયરલ કરવાની ધમકી આપી હતી. જે અંગે સરદારનગર પોલીસને જાણ થતાં પોલીસે 3 આરોપીની ધરપકડ કરી ગુનાનાં મૂળ સુધી પહોંચવાની તજવીજ હાથ ધરી છે.

પોલીસને ખંડણી અને ફોટા વાયરલ કરવાની ધમકી આપ્યાની ફરિયાદ મળતાની સાથે જ પોલીસે તપાસ હાથ ધરી કે આખરે આરોપી સુધી યુવતીના ફોટા પહોંચ્યા કેવી રીતે. જે અંગે આરોપીની પુછપરછ કરતાં સામે આવ્યુ કે જીતુ અલિયાણી સૌપ્રથમ સગીરાનો મિત્ર બન્યો હતો. બાદમાં નિકુંજ રાઠોડે સગીરાને ધમકી આપી કે સગીરાની 35 વર્ષના જીતુ સાથે મિત્રતા છે તે વાત તેના પરિવારને જાણ કરી દેશે અને તે ન કરવું હોય તો ન્યુડ ફોટા અને વીડિયો મોકલ. જે ફોટા વીડીયો મળ્યા બાદ રોહિત ભાટીયા ફોટા અને વીડીયો સગીરાના પિતાને બતાવ્યા અને તે વાયરલ કરવાની ધમકી આપી 15 લાખની ખંડણી માંગી હતી.