દીકરી પિતા સાથે રહેતી જેલમાં કેદ હતી, જીલ્લા કલેક્ટરએ કર્યું એવું કે બદલાઈ ગઈ જિંદગી

છત્તીસઢના બિલાસપુરમાં છ વર્ષની બાળકીના જીવનમાં એક નવી વળાંક આવ્યો છે. જ્યારે આ બાળકી થોડા મહિનાની હતી ત્યારે તેને જેલમાં લાવવામાં આવી હતો. તેણે કોઈ ગુનો કર્યો હતો, એટલા માટે નહીં પરંતુ પિતા સિવાય આ દુનિયામાં તેની પાસે બીજું કોઈ ન હતું. પિતાએ ગુનો કર્યો હતો અને તેને જેલની સજા ફટકારવામાં આવી હતી. ત્યારબાદ બાળકી જેલમાં મોટી થાય છે. પરંતુ એક આઈએએસ અધિકારીએ તેમનું જીવન બદલી નાખ્યું.

માત્ર છ વર્ષની આ દીકરીની માતા તેના જન્મ સાથે મૃત્યુ પામી હતી. બીજો કોઈ રખેવાળ ન હતો, તેથી બાળકી તેના પિતા સાથે જેલમાં આવી. જેલ વહીવટીતંત્ર દ્વારા મહિલા કેદીઓને બાળકોની સંભાળની જવાબદારી આપવામાં આવી હતી.

સમય જતા, બાળકી મોતી થઇ અને જેલમાં જ એક પ્લે સ્કૂલમાં ભણવાનું શરૂ કર્યું. સામાન્ય બાળકોની જેમ તે પણ ટીવી જોવામાં, રમવાની મજા લે છે. પરંતુ આ બધા કરતાં પણ વધુ, તેને અભ્યાસ કરવાની ઇચ્છા છે. વાત થોડા દિવસો જૂની છે. જેલનું નિરીક્ષણ કરવા બિલાસપુરના કલેક્ટર ડો. સંજય અલંગ પહોંચ્યા હતા. આ સમય દરમિયાન તે આ બાળકીને મળ્યા. જ્યારે કલેકટરે બાળકીને પૂછ્યું કે તે શું કરવા માંગે છે, ત્યારે તેણે કહ્યું કે તે જેલમાંથી બહાર નીકળીને ભણવા માંગે છે. શાળાએ જવા માંગે છે.