November 01, 2024
ઉત્તર પ્રદેશના મેરઠ જિલ્લામાંથી એક ચોકાવનારી ઘટના સામે આવી છે. જ્યાં ઘરની છત પર નોટો અને ઝવેરાતથી ભરેલી બે બેગ મળી આવી છે. છત પર નોટ ભરેલી બે બેગ મળ્યા પછી ઘરના માલિકો પણ આશ્ચર્યચકિત થઈ ગયા. જોકે, તેણે આ અંગે પોલીસને તાત્કાલિક જાણ કરી હતી. બાતમી મળતાં પોલીસે બંને બેગને કબજે કરી લીધી છે. પોલીસના જણાવ્યા મુજબ, બે દિવસ પહેલા મિશન વિસ્તારમાં ચોરીની ઘટના બની હતી, તે ત્યાંની બેગ હોઈ શકે છે.
શું છે આખો મામલો
મળતી માહિતી અનુસાર, બે દિવસ પહેલા મેરઠ જિલ્લાના મિશન કાપૌદ વિસ્તારમાં રહેતા પવન સિંઘલના ઘરે 40 લાખ રૂપિયાની ચોરીનો બનાવ નોંધાયો હતો. પવન સિંહ મેટરસનો ધંધો કરે છે. સદર પોલીસ સ્ટેશનના પ્રભારી દિનેશ બઘેલે જણાવ્યું હતું કે, પવન સિંઘલનો પાડોશી વરૂણ શર્મા તેના ઘરની છત પર ગયો હતો અને ત્યાં બે બેગ મળી આવી હતી. તો ત્યાંથી જ વરુણ શર્માએ મીડિયાને કહ્યું, ‘મેં સવારે ટેરેસ પર બે બેગ જોઇ હતી જે નોટોથી ભરેલી હતી. મને ચોરી કરેલો માલ હોવાની શંકા છે અને પોલીસને જાણ કરવાનું નક્કી કર્યું છે.
ચોરી કર્યા પછી પાડોશીની છત પર છોડી દીધી બેગ
વરુણે કહ્યું કે, “એવી સંભાવના હોય શકે છે કે, ચોરે મારા ઘરની છત પર થેલા મૂકી દીધા હોય, જેથી પાછળથી તે પાછો લઈ જઈ શકે.” પોલીસ સૂત્રોના જણાવ્યા અનુસાર, ચોરીની આશંકા રાજુ નેપાળી પર છે, જે બે વર્ષ પહેલા વેપારી ઘરે નોકર હતો અને ત્યારબાદ કામ છોડી ગયો હતો. લાંબા સમય સુધી ગાયબ થયા પછી નેપાળી પાછો ફર્યો હતો.
Trending News
ઘરના નોકર ઉપર ચોરીની શંકા
ઘરના બાકીના પુરુષ સભ્યો અબુ લેન ખાતેની દુકાનમાં હતા, મહિલાઓ ખરીદી માટે નીકળી હતી. નેપાળી ઘરના સભ્યોથી સારી રીતે પરિચિત હતો. તેથી ગાર્ડએ પણ તેને રોક્યો નહીં. ઘરમાંથી કિંમતી સામાનની ચોરી કર્યા બાદ નેપાળી ત્યાંથી ભાગી ગયો હતો. તે ફરાર થઈ જતા સીસીટીવીમાં પકડાયો હતો. નેપાળીએ પણ લૂંટનો ભાગ ગાર્ડ સાથે વહેંચ્યો હતો જેણે પરત ફરતી વખતે તેને પકડ્યો હતો.
ગાર્ડની પણ કરવામાં આવી ઘરપકડ
બાદમાં પોલીસે ઝવેરાત પણ બહાર કાઢ્યા હતા. ગાર્ડની પણ અટકાયત કરવામાં આવી હતી. સિંઘલે ચોરી કરેલા માલની કુલ સંખ્યા જાહેર કરી નથી. પોલીસને આપેલા નિવેદનમાં સિંઘલે કહ્યું કે, હું મારા બધા સામાનની એક સૂચિ બનાવીશ અને ત્યારબાદ ફરિયાદ નોંધાવીશ. તો તે જ સમયે, સદર પોલીસ સ્ટેશનના પ્રભારી દિનેશ બઘેલે કહ્યું, ‘બેગમાં ઝવેરાત ઉપરાંત 14 લાખની રોકડ રકમ હતી. ઝવેરાતનું મૂલ્યાંકન કરવાનું બાકી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle