November 28, 2024
ગાજરને શિયાળાનું સુપરફૂડ કહેવામાં આવે છે. ગાજર ઘણા પોષક તત્વોથી ભરેલા હોય છે. તે આંખો અને હૃદય માટે ખૂબ સારું માનવામાં આવે છે. આ સિવાય ગાજર શરીરમાંથી અનેક રોગો દુર કરે છે. ગાજર બીટા કેરોટિનનો સારો સ્રોત છે, જે શરીરમાં વિટામિન A બનાવવાનું કામ કરે છે. પરંતુ એક અધ્યયનમાં દાવો કરવામાં આવ્યો છે કે, ગાજર ખાવાનો ફાયદો દરેકને થતો નથી.
આ અભ્યાસ અમેરિકાની ઇલિનોઇસ, યુનિવર્સિટીના ફૂડ સાયન્સ અને ન્યુટ્રિશન ડિપાર્ટમેન્ટના આસિસ્ટન્ટ પ્રોફેસર જૈમ ઇમેંગ્યુઅલ દ્વારા તેમની ટીમ સાથે કરવામાં આવ્યો છે. આ અભ્યાસ મનુષ્ય અને ઉંદર પર કરવામાં આવ્યો છે. અભ્યાસો દર્શાવે છે કે, ગાજરમાં હાજર બીટા કેરોટિન વિટામિન Aમાં રૂપાંતર કરીને ખરાબ કોલેસ્ટ્રોલને કેવી રીતે ઘટાડે છે. બીટા કેરોટિન એથરોસ્ક્લેરોસિસને પણ અટકાવે છે. એથરોસ્ક્લેરોસિસને લીધે, ધમનીઓમાં ચરબી અને કોલેસ્ટરોલ એકઠા થાય છે અને આને કારણે મૃત્યુ પણ થઇ શકે છે.
હ્રદય પર બીટા કેરોટિનની અસરોને સમજવા માટે ઇમેંગ્યુઅલ અને તેની ટીમે બે અભ્યાસ હાથ ધર્યા. ઇમેંગ્યુઅલે શરીરમાં બીટા કેરોટિનની પ્રક્રિયાને ખૂબ જટિલ ગણાવી હતી. બીટા કેરોટિન, બીટા કેરોટિન ઓક્સિજન 1 (બીસીઓ 1) એન્ઝાઇમ સાથે મળીને વિટામિન A બનાવે છે. આ ઉત્સેચકો શરીરમાં આનુવંશિક રીતે વધુ કે ઓછા હોઈ શકે છે. ઇમેંગ્યુઅલ કહે છે કે, જે લોકોમાં આ એન્ઝાઇમની માત્રા ઓછી હોય છે તેમને વિટામિન A માટે આહારમાં અન્ય વસ્તુઓ શામેલ કરવાની રહેશે.
Trending News
જર્નલ ઓફ ન્યુટ્રિશનમાં પ્રકાશિત થયેલા પ્રથમ અધ્યયનમાં 18 થી 25 વર્ષની વયના 767 તંદુરસ્ત યુવાનોના બ્લડ અને ડીએનએ નમૂના લેવામાં આવ્યા હતા. આ નમૂનાઓનું વિશ્લેષણ કરવામાં આવ્યું હતું. સંશોધનકારોને બીટા કેરોટિન ઓક્સિજન 1 (બીસીઓ 1) એન્ઝાઇમ અને ખરાબ કોલેસ્ટરોલ સ્તર વચ્ચેનો સંબંધ મળ્યો. ઇમેંગ્યુઅલએ જણાવ્યું કે, “જે લોકોમાં એન્ઝાઇમ ને વધુ સક્રિય બનવા વાળું આનુવંશિક વૈરીએન્ટ હતું તેમના લોહીમાં નીચું કોલેસ્ટરોલ જોવા મળ્યું હતું,”
જે લોકોના શરીરમાં વિટામિન Aનું પ્રમાણ ઓછું હોય છે તેમના શરીરમાં કોલેસ્ટરોલનું સ્તર વધારે છે. આ પરિણામોના આધારે, બીજો અભ્યાસ ઉંદરો પર કરવામાં આવ્યો હતો. આ અભ્યાસ લિપિડ રિસર્ચ જર્નલમાં સામે આવ્યો છે. આ અધ્યયનમાં, બીટા કેરોટિન આપવામાં આવતા ઉંદરોએ પણ તેમના કોલેસ્ટરોલનું સ્તર ઘટાડ્યું હતું, અધ્યયન મુજબ બીટા કેરોટિન આપવામાં આવતા ઉંદરો એથરોસ્ક્લેરોસિસ સામે વધુ સુરક્ષિત હોવાનું જાણવા મળ્યું છે.
ઇમેંગ્યુઅલે સમજાવ્યું કે, કેવી રીતે BCO1 એન્ઝાઇમ કોલેસ્ટરોલથી સંબંધિત છે. લોહીમાં બીટા કેરોટિનનું ઉચ્ચ સ્તર શરીર માટે ફાયદાકારક છે, પરંતુ ઓછા સક્રિય BCO1 એન્ઝાઇમ સૂચવે છે કે, તમારા આહારમાં બીટા કેરોટિન થોડો અથવા કોઈ ફેરફાર કર્યા વિના વિટામિન Aમાં રૂપાંતરિત થઈ રહ્યો છે.
ઇમેંગ્યુઅલ કહે છે કે, 50 ટકા વસ્તીના શરીરમાં BCO1 એન્ઝાઇમ ઓછું સક્રિય છે. આનો અર્થ એ છે કે, આવા લોકોને છોડ આધારિત આહારમાંથી વિટામિન Aની માત્રા ઓછી મળે છે અને આ લોકોએ તેમના આહારમાં દૂધ અને પનીર જેવા ખોરાકનો સમાવેશ કરવો જોઈએ.
જો તમે વિટામિન Aની મેળવવા માટે ગાજર ખાતા હોવ તો તેના પર આધાર રાખવાને બદલે, તમારા આહારમાં વિટામિન A વાળી બીજી ઘણી વસ્તુઓનો સમાવેશ કરો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle