સુરતમાં રેપીડ ટેસ્ટ કરવા આવેલી સીટીબસ અચાનક સળગી- જુઓ વિડીયો

સુરતમાં કોરોના વાયરસે હાહાકાર મચાવ્યો છે. જેને લઈને સરકાર દ્વારા રેપીડ ટેસ્ટ કરવા માટે અપીલ કરવામાં આવી રહી છે. રેપીડ ટેસ્ટ કરવા માટે શહેરમાં બ્લુ સીટી બસ પણ મુકવામાં આવી છે. આ દરમ્યાન સુરતના અમરોલીમાં રેપીડ ટેસ્ટ કરવા માટે ફાળવેલી બ્લુ સીટી બસ સળગી ઉઠી હતી.

સુરત મહાનગરપાલિકામાં કોરોનાનું સંક્રમણ વધતા પાલિકાએ ટેસ્ટિંગ પણ વધાર્યા છે. લોકોના ઘર નજીક જઈને ધન્વંતરી રથ સાથે ટેસ્ટિંગ થઈ રહ્યા છે. આમાં વાહનો ઘટતા પાલિકાએ સિટી બસને ધન્વંતરી તથા ટેસ્ટિંગ વાન બનાવી દીધી છે.

રેપીડ ટેસ્ટ કરવા માટે ફાળવેલી બ્લુ સીટી બસમાં આગ લાગતાની સાથે જ સમગ્ર વિસ્તારમાં અફડાતફડી સર્જાઈ હતી. આગની ઘટના બનતાની સાથે જ લોકોની ભીડ જમા થઇ ગઈ હતી. અમરોલી કોસાડ ઈમરજન્સી સેવા માટે બસ ફાળવેલ હતી.

મળતી માહિતી અનુસાર, અમરોલીના સ્વીટ હોમ ખાતે ઘટના બની હતી. અમરોલી કોસાડ ઈમરજન્સી સેવા માટે બસ ફાળવેલી હતી. બસમાં રેપિડ ટેસ્ટના અધિકારી સેનીટાઇઝર તથા અન્ય દવાઓ હતી. રેપીડ ટેસ્ટ કરનાર અધિકારીઓનો બચાવ થયો પરંતુ દવાઓ બળી ને ખાખ થઈ ગઈ હતી.