પ્રામાણિકતા હોય તો આવી! આમંત્રણ વગર જ લગ્નમાં ઘુસી વરરાજાને કહ્યું ‘ભૂખ લાગી તો આવી ગયો’; ત્યારે વરરાજાએ જે કહ્યું…

તાજેતરમાં જ મધ્યપ્રદેશ (Madhya Pradesh)ના ભોપાલ(Bhopal) શહેરમાં એક ઘટના બની હતી, જેમાં એક છોકરો લગ્નમાં બોલાવ્યા વિના પ્રવેશ્યો હતો અને ખાવાનું ખાવા લાગ્યો હતો. આ દરમિયાન ત્યાં હાજર કેટલાક લોકોએ તેને પકડી લીધો હતો અને પૂછપરછ કરતાં જાણવા મળ્યું હતું કે તે MBAનો વિદ્યાર્થી છે અને હોસ્ટેલનું ભોજન બરાબર ન હતું ત્યારે બેગાની લગ્નમાં જમવા આવ્યો હતો. આ છોકરો પકડાયા બાદ લગ્નમાં હાજર લોકોએ તેને વાસણો ધોવા માટે લીધો અને વીડિયો વાયરલ કર્યો.

ત્યારે હાલ સોશિયલ મીડિયા પર વધુ એક વીડિયો વાયરલ થઈ રહ્યો છે જેમાં એક વ્યક્તિ લગ્નમાં આમંત્રિત કર્યા વિના પહોંચ્યો હતો અને પછી વર પાસે ગયો અને સેલ્ફી વીડિયો બનાવ્યો. વીડિયોમાં તેણે વરરાજાને સ્પષ્ટ કહ્યું કે તે હોસ્ટેલમાંથી અહીં ભોજન ખાવા આવ્યો હતો.

God Bless You.❤️ pic.twitter.com/0Cu0rDdZoI

— Awanish Sharan (@AwanishSharan) December 1, 2022

લગ્નમાં પ્રવેશ કરીને વરરાજા પાસેથી જમવાની પરવાનગી માંગી:
IAS ઓફિસર અવિનાશ શરણ (@AwanishSharan) એ આ વીડિયો ટ્વિટર પર શેર કર્યો અને કેપ્શનમાં લખ્યું, ‘ભગવાન તમારું ભલું કરે.’ 45 સેકન્ડના વીડિયોમાં એક વ્યક્તિ આવ્યો અને વરરાજાની પાસે બેઠો અને પછી તેણે કહ્યું, ‘અમે તમારા લગ્નમાં આવ્યા છીએ અને અમને ખબર નથી કે તમારું નામ શું છે અને તમારું ઘર ક્યાં છે. અમે હોસ્ટેલમાં રહીએ છીએ, અમને ભૂખ લાગી હતી તેથી અમે જમવા આવ્યા. શું તમને કોઈ સમસ્યા છે?’