November 24, 2024
મથુરા (Mathura)ના નૌઝીલ પોલીસ સ્ટેશન વિસ્તાર (Nozil police station area)માં યમુના એક્સપ્રેસ વે(Yamuna Express Way) પર મંગળવારે મોડી રાત્રે એક મોટો અકસ્માત(Accident) થયો હતો. ભક્તોથી ભરેલી બસ એક્સપ્રેસ વે પર આગળ જઈ રહેલી ઓવરલોડ ભરેલા ટ્રક સાથે અથડાઈ હતી. આ અકસ્માતમાં ત્રણ લોકોના ઘટનાસ્થળે જ મોત થયા હતા, જ્યારે 40 જેટલા શ્રદ્ધાળુઓ ઘાયલ થયા હતા. માહિતી બાદ પહોંચેલા નૌઝીલ પોલીસ અને એક્સપ્રેસ વેના કર્મચારીઓ ઘાયલોને સીએચસી નૌઝીલ લઈ ગયા. ત્યાંથી, છથી વધુ લોકોને ગંભીર હાલતમાં જિલ્લા હોસ્પિટલમાં રિફર કરવામાં આવ્યા છે.
એસપી દેહત શ્રીચંદે જણાવ્યું કે રાત્રે લગભગ 10.45 વાગ્યે એક્સપ્રેસ વે પર એક ટ્રક ધીમી ગતિએ જઈ રહ્યો હતો. આ દરમિયાન, વૃંદાવનમાં શ્રી બાંકે બિહારી મંદિર, પ્રેમ મંદિર અને અન્ય મંદિરોની મુલાકાત લીધા પછી, ભક્તોની બસ બજના કટથી યમુના એક્સપ્રેસ વે પર ચડી. બસમાં સવાર તમામ લોકો દિલ્હીના શાહદરા વિસ્તારના રહેવાસી હોવાનું કહેવાય છે. યમુના એક્સપ્રેસ વે પર તીર્થયાત્રીઓની બસ આગળ જઈ રહેલા ટ્રક સાથે અથડાઈ હતી.
બસમાં 60 લોકો સવાર હતા:
બસનો આગળનો ભાગ સંપૂર્ણ ક્ષતિગ્રસ્ત થઈ ગયો હતો અને સામે બેઠેલા મુસાફરોને ગંભીર ઈજાઓ પહોંચી હતી. અકસ્માતની જાણ થતાં પોલીસ પહોંચી અને કોઈક રીતે ઈજાગ્રસ્તોને બહાર કાઢી હોસ્પિટલ લઈ ગયા. આ દરમિયાન ત્રણ પુરૂષ ભક્તોને મૃત જાહેર કરવામાં આવ્યા હતા. બસમાં લગભગ 60 લોકો સવાર હતા. તેમાંથી મોટાભાગના ઘાયલ છે. તમામને પ્રાથમિક આરોગ્ય કેન્દ્ર બાદ જિલ્લા હોસ્પિટલમાં લઈ જવામાં આવ્યા હતા, જેમાં છ લોકોની હાલત ગંભીર હોવાનું કહેવાય છે.
Trending News
અકસ્માત બાદ બસનો આગળનો ભાગ કાંકરીથી ભરાઈ ગયો હતો. જેના કારણે ઘાયલોને બહાર કાઢવામાં મુશ્કેલી પડી હતી. અહીં, મેડિકલ ઓફિસર-ઇન-ચાર્જ ડૉ. તુલારામે જણાવ્યું હતું કે ઘાયલોની સેવામાં સાત એમ્બ્યુલન્સને મોકલવામાં આવી હતી. ગંભીર રીતે ઘાયલોને પ્રાથમિક સારવાર આપ્યા બાદ જિલ્લા હોસ્પિટલમાં મોકલવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.