બોલીવુડની સિંહણ કંગના રનૌત માટે ચાહકે બનાવ્યું રેપ સોન્ગ, સાંભળીને અભિનેત્રી થઈ ભાવુક- જુઓ વિડીયો

પ્રખ્યાત અભિનેત્રી કંગના રનૌત સોશિયલ મીડિયા પર ખુબ એક્ટિવ રહે છે. કંગના રાનૌતનાં કામથી ઇમ્પ્રેસ થઈને તેનાં એક ફેન દ્વારા કંગનાને ટ્રીબ્યુટ આપતુ એક રેપ સોન્ગ તૈયાર કરવામાં આવ્યું છે, જેનો વીડિયો સોશિયલ મીડિયા પર ખૂબ ધૂમ મચાવી રહ્યો છે.

સુશાંત કેસમાં ખૂબ સક્રિય હતી કંગના :
બોલિવૂડ પ્રખ્યાત અભિનેતા સુશાંતસિંહ રાજપૂત કેસમાં કંગના રાનૌત ખૂબ સક્રિય જોવા મળી હતી. આ કેસમાં નેપોટિઝમ તથા બોલિવૂડ માફિયા જેવા એંગલની એન્ટ્રી પણ કંગના દ્વારા જ કરાવવામાં આવી હતી. જેને લીધે કંગનાને સુશાંતનાં ફેન્સનું ખૂબ સમર્થન મળ્યું હતું. કેટલાંક લોકોએ કેસને ભટકાવવા જેવા પણ આક્ષેપ કંગના પર લગાવવામાં આવ્યો હોવાં છતાં સમાજનો એક વર્ગ સતત તેની સાથે ઉભો રહ્યો હતો.

રેપ સોન્ગ સોશિયલ મીડિયા પર ખૂબ વાયરલ :
કંગના રનૌતનાં કામથી ખુશ થઈને તેનાં એક ફેન દ્વારા તેનાં પર એક રેપ સોન્ગ તૈયાર કરવામાં આવ્યું છે કે, જે સોશિયલ મીડિયા પર ખૂબ ધૂમ મચાવી રહ્યું છે. 2 મિનિટ જેટલા આ વીડિયોમાં એક ફેન કંગનાને ટ્રીબ્યૂટ આપી રહ્યો છે. ફેનની નજરે કંગના એક એવી સિંહણ છે કે, જે વન મેન આર્મી બનીને સૌ લોકોનો સામનો કરી રહી છે તથા સુશાંતને ન્યાય અપાવવામાં પૂરો પ્રયાસ કરવામાં આવ્યો હતો.

વીડિયો જોઈ કંગના થઈ ભાવુક :
કંગના માટે લખવામાં આવેલ આ સોન્ગની લાઇન્સ ખૂબ રસપ્રદ છે તથા તમામ લોકોનું ધ્યાન ખેંચી શકે તેવી છે કે, જે વીડિયો જોઈને કંગના પણ ભાવુક થઈ ગઈ છે. કંગનાએ વીડિયો શેર કરીને જણાવ્યું હતું કે, આ ફેનનો હૃદયથી આભાર. કંગના તેને જનતાનો પ્રેમ માને છે.