નવમાં ધોરણમાં ભણતી યુવતીએ પ્રેમી સાથે ઝાડ પર ગળાફાંસો ખાઈ જીવન ટુકાવ્યું- કારણ જાણી ફફડી ઉઠશો

આપઘાતની ઘટનાઓ ખુબ જ વધી રહી છે. તેમાં પણ ખાસ કરીને પ્રેમ પ્રકરણમાં આપઘાત એ તો સાવ સામાન્ય બાબત બની ગઈ હોય તેવું લાગી રહ્યું છે. ત્યારે હાલ આવી જ વધુ એક ઘટના સામે આવી છે. કાલોલ(Kalol) તાલુકાના ઘૂસર(Ghusar) ગામે આવેલા ગુપ્તેશ્વર મહાદેવ(Gupteshwar Mahadev) મંદિરની પાછળના સ્મશાન પાસે પ્રેમીપંખીડાંએ ગળાફાંસો ખાઈ જીવન ટૂંકાવી લેતાં ચકચાર મચી ગઈ હતી. ત્યારબાદ ઘટનાની જાણ પોલીસને કરતા પોલીસે ઘટનાસ્થળે પહોંચી બંને મૃતદેહોને નીચે ઉતારી વધુ કાર્યવાહી હાથ ધરી હતી.

ડાળ પર ઓઢણીઓ બાંધી એકસાથે ફાંસો ખાધો:
મળતી માહિતી અનુસાર, કાલોલ તાલુકાના એક ગામની સગીરા અને ડેરોલ સ્ટેશન પાસે આવેલા ખંડીવાડ ગામના ગુનાહિત ભૂતકાળ ધરાવતા યુવક સતીષ જાલમભાઈ રાઠોડ (22) વચ્ચે પ્રેમસંબંધ હતો. જેનો સમાજ સ્વીકાર નહીં થતાં બંને ઘૂસરના જંગલમાં આવેલા ગુપ્તેશ્વર મહાદેવના મંદિરે પહોંચ્યાં હતાં.

અહિયાં પહોચી સાથે જીવી શકાય એમ ન હોવાથી મહાદેવની સાક્ષીમાં સાથે મોત વહાલું કરવાનું નક્કી કરી બંનેએ મંદિર પાછળ આવેલા સ્મશાન નજીક એક વૃક્ષની ડાળ પર ઓઢણીઓ બાંધી એકસાથે ફાંસો ખાઈ જીવનનો અંત આણ્યો હતો. ઘટનાની જાણ થતા સ્થાનિક લોકોના ટોળે ટોળા વળ્યા હતા. તેમજ પોલીસને જાણ કરતા પોલીસ પણ તાત્કાલિક પણે ઘટના સ્થળે પહોચી હતી.