November 05, 2024
Anant Radhika wedding Bomb Threat: મુંબઈ ક્રાઈમ બ્રાન્ચે ગુજરાતમાંથી એક વ્યક્તિની ધરપકડ કરી છે. આ વ્યક્તિએ ઉદ્યોગપતિ મુકેશ અંબાણીના પુત્ર અનંત અંબાણીના લગ્નમાં બોમ્બ હોવાની અફવા ફેલાવી હતી. તેણે સોશિયલ મીડિયા પ્લેટફોર્મના એક્સ એકાઉન્ટ(Anant Radhika wedding Bomb Threat) પરથી આવી પોસ્ટ કરી હતી. મુંબઈ ક્રાઈમ બ્રાન્ચે જણાવ્યું હતું કે વિરલ શાહ નામના વ્યક્તિએ અનંત અંબાણીના લગ્ન સમારોહ (Jio વર્લ્ડ કન્વેન્શન સેન્ટર)માં બોમ્બ હોવાની અફવા તેના X એકાઉન્ટ પર પોસ્ટ કરી હતી.
આ પોસ્ટ વાયરલ થતાં જ મુંબઈ પોલીસે તપાસ શરૂ કરી હતી
આ પોસ્ટ બાદ મુંબઈ પોલીસે આ મામલે તપાસ શરૂ કરી હતી. સોશિયલ મીડિયા યુઝર્સને શોધવાનું શરૂ કર્યું. હવે આ કેસમાં સામેલ સોશિયલ મીડિયા પ્લેટફોર્મ X યુઝરની ગુજરાતમાંથી ધરપકડ કરવામાં આવી છે. પોલીસે તેના વધુ ગુના ઇતિહાસની તપાસ હાથ ધરી છે.
આરોપી વડોદરાથી હોવાનું સામે આવ્યું
આરોપી વિરલ શાહે એક્સ પર લખ્યું હતું કે મારા મનમાં વિચાર આવ્યો છે કે જો અંબાણીના લગ્નમાં બોંબ ફૂટે તો અડધી દુનિયામાં ઉથલ-પાથલ મચી જશે. અબજો રુપિયા સ્વાહા થઈ જશે. આ પોસ્ટ સામે આવ્યાં બાદ પોલીસે સમારંભના સ્થળની આસપાસ સુરક્ષા કડક કરી દીધી હતી. આરોપીની શોધખોળ શરૂ કરી હતી. પોલીસ આરોપી વિરલ શાહને વડોદરાથી મુંબઈ લઈ આવી હતી. પોલીસે તેની સાથે પ્રાથમિક પૂછપરછ હાથ ધરી છે.
Trending News
આ પહેલા 2ની ધરપકડ કરવામાં આવી હતી
અગાઉ રવિવારે અનંત અંબાણી અને રાધિકા મર્ચન્ટના હાઈ-પ્રોફાઈલ લગ્નમાં પ્રવેશવાનો પ્રયાસ કરવા બદલ પોલીસે બે લોકોની ધરપકડ કરી હતી. પુરુષોની ઓળખ યુટ્યુબર વેંકટેશ નરસૈયા અલ્લુરી (26) અને બિઝનેસમેન લુકમાન મોહમ્મદ શફી શેખ (28) તરીકે થઈ હતી. આ બંને લોકો અનંત અંબાણીના લગ્નમાં હાજરી આપવા માટે આંધ્રપ્રદેશથી બિનઆમંત્રિત આવ્યા હતા.
કલાકોની પૂછપરછ બાદ મુક્ત કરવામાં આવ્યો હતો
આ કેસ વિશે વધુ માહિતી આપતા પોલીસે જણાવ્યું હતું કે મુંબઈની BKC પોલીસે બંનેની અટકાયત કરી હતી. તેની સામે અલગ-અલગ કેસ નોંધાયા હતા. તે આંધ્રપ્રદેશથી લગ્નમાં હાજરી આપવા આવ્યો હતો. પોલીસે બંને કેસમાં કાયદેસરની કાર્યવાહી હાથ ધરી હતી અને કલાકોની પૂછપરછ અને નોટિસ આપ્યા બાદ આરોપીઓને છોડી મૂક્યા હતા.
લગ્નમાં દેશ-વિદેશના મહેમાનો આવ્યા હતા
તમને જણાવી દઈએ કે એશિયાના સૌથી ધનાઢ્ય બિઝનેસમેન મુકેશ અંબાણીના પુત્ર અનંત અંબાણી અને રાધિકા મર્ચન્ટના લગ્નમાં દેશ-વિદેશના મહેમાનો આવ્યા હતા. આ લગ્ન સમારોહમાં પીએમ મોદીથી લઈને હોલીવુડના કલાકારો અને અભિનેત્રીઓએ પણ ભાગ લીધો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App