સુરત: પોલીસ સ્ટેશનથી ફક્ત 100 મીટર દૂર દંપતીએ કરી યુવકની કરુણ હત્યા -કારણ જાણીને આંખે અંધારા આવી જશે

રાજ્યમાં હત્યાની ઘટનામાં સતત વધારો થઈ રહ્યો છે ત્યારે હાલમાં ફરી એકવાર આવી જ એક હત્યાની ઘટના સુરત શહેરમાંથી સામે આવી રહી છે. શહેરમાં આવેલ દિલ્હી ગેટ રોડ પર યુવકની જાહેરમાં હત્યા કરી દેવામાં આવી છે. અહીં પતિ-પત્નીએ મળીને યુવકને મોતને ઘાટ ઉતારી દેવામાં આવ્યો હતો.

સુરતમાં આવેલ દિલ્હી ગેટ વિસ્તાર ગુનાખોરોનો અડ્ડો બની ગયો હોવાનું માનવામાં આવી રહ્યું છે. દિલ્હી ગેટ દેહવ્યાપારને લઇ ખુબ બદનામ છે. મળી રહેલ જાણકારી મુજબ યુવક અહીં શરીર સુખ માણવા માટે આવ્યો હતો. કોઈ કારણસર આ દંપતી સાથે ઝઘડો થયો હતો. ઝઘડો એટલો ઉગ્ર બન્યો હતો કે, આ દંપતિએ યુવકને માર માર્યો હોવાનું સામે આવી રહ્યું છે.

દંપતિએ માર મારી યુવકને ચપ્પુના ઘા ઝીંકી દીધા હતા. આટલું જ નહીં તેને જાહેરમાં દોડાવીને પણ માર માર્યો હતો. યુવક પોતાનો જીવ બચાવવા માટે જાહેરમાં દોડતો રહ્યો હતો પરંતુ ઘા એટલો તીવ્ર હતો કે, તે રોડ પર જ ઢળી પડ્યો હતો. સ્થાનિક લોકોએ તેને રોડ પર ઢળી પડતા તેમને જણાઈ આવ્યું હતું કે, તેને ખેંચ આવી હશે તેવું સમજીને તેને કાંદા સુંઘાડ્યા હતા પરંતુ લોહી પડતુ જોતા તેઓએ 108ને કોલ કર્યો હતો.

108ના તબીબોએ ઘટનાસ્થળ પર પહોંચીને તપાસ શરુ કરી દીધી હતી. યુવકનું વધારે પડતું લોહી વહી જતા તેનું મોત થયું હતું. આ સમગ્ર મામલે પોલીસે ઘટનાસ્થળ પર આવીને લોકોના નિવેદન લઈ હત્યાનો ગુનો દાખલ કરી આગળની તપાસ શરુ કરી દેવામાં આવી છે.