November 24, 2024
હત્યા (Murder)ની ઘટનાઓ દિવસેને દિવસે ખુબ જ વધી રહી છે. એવામાં હાલ હત્યાની વધુ એક ચકચારી ઘટના સામે આવી છે. જેમાં વડોદરા(Vadodara) નજીક આવેલી પોર જી.આઇ.ડી.સી.(GIDC)માં સિક્યોરિટી જવાન તરીકે ફરજ બજાવતા અને ચાની લારી ચલાવી ગુજરાન ચલાવતા શખસની અજાણ્યા શખએ તીક્ષ્ણ હથિયારના ઘા મારી મોતને ઘાટ ઉતારી દીધો હતો. જિલ્લા પોલીસે ગણતરીના કલાકોમાં વિધર્મી હત્યારાની અટકાયત કરી હતી. તેમજ આ અંગે વધુ કાર્યવાહી હાથ ધરી છે.
ચાની લારી પાસે જ માલિકની હત્યા:
મળતી માહિતી અનુસાર, જયેશભાઇ કાનજીભાઇ પરમાર(45) મૂળ વડોદરા નજીક આવેલા વરણામા ગામના વતની છે. તેઓ હાલ પોર રમણગામડીમાં રહે છે. તેઓ પોર જી.આઇ.ડી.સી.માં સિક્યોરિટી કંપનીમાં નોકરી કરતા હતા અને જી.આઇ.ડી.સી.માં જ ચાની લારી પણ ચલાવતા હતા. આ દરમિયાન સોમવારે વહેલી સવારે અજાણ્યા શખસે તેમની ચાની લારી પાસે જ ચપ્પુ જેવા તીક્ષ્ણ હથિયારના 3થી વધુ ઘા મારી મોતને ઘાટ ઉતારી દીધા હતા.
Trending News
પત્નીનું હૈયાફાટ રુદન:
ઘટનાની જાણ થતા જ મૃતકના પત્ની ઉષાબહેન પરમાર ઘટનાસ્થળે દોડી આવ્યા હતા. જ્યાં પતિની લાશ જોઇ તેમની હાલત કફોડી બની હતી. તેમજ તેમણે રડતાં રડતાં પોલીસને જણાવ્યું હતું કે મારો પતિ નિર્દોષ છે. પતિની હત્યા કરનારને કડકમાં કડક સજા આપો. આ સિવાય સ્થાનિક લોકો પણ ઘટના સ્થળે એકઠા થઈ ગયા હતા. તેમજ ઘટનાને પગલે સમગ્ર પંથકમાં ચકચાર મચી જવા પામી હતી.
પોલીસ ઘટનાસ્થળે પહોંચી ગઈ:
આ સાથે જ પોલીસ પણ ઘટનાસ્થળે પહોચી લાશનો કબજો લઈ આ અંગે વધુ તપાસ શરૂ કરી હતી. તેમજ હત્યારો ફરાર થઈ ન જાય એ માટે અલગ-અલગ ટીમો બનાવી હત્યારાને ઝડપી પાડવા માટેની કાર્યવાહી પણ હાથ ધરી હતી. આ દરમિયાન ગણતરીના કલાકોમાં જ પોલીસે આરોપી જયેશભાઇ પરમાર તેમજ 30 વર્ષીય રમીઝરાજા હનીફમહંમદ દાયમાની અટકાયત કરી હતી.
વહેલી સવારે મોતને ઘાટ ઉતારાયો:
પોલીસ તપાસ દરમિયાન જાણવા મળ્યું છે કે, જયેશ પરમારને મોતને ઘાટ ઉતારનાર હત્યારા રમીઝરાજા દાયમા (વિધર્મી)ને એવો વહેમ હતો કે જયેશ પરમારનાં તેની પત્ની સાથે આડાસંબંધ છે, આથી તેને જયેશ પરમારને મોતને ઘાટ ઉતારી દેવા માટે પૂર્વ કાવતરું રચ્યું હતું. સોમવારની વહેલી સવારે અજવાળું પથરાય તે પહેલાં ચાની લારી ચાલુ કરવા માટે આવી પહોંચેલા જયેશ પરમારના શરીર પર ઉપરા-છાપરી ચપ્પુ જેવા હથિયારથી 3થી વધુ ઘા મારી સ્થળ પર જ મોતને ઘાટ ઉતારી ફરાર થઇ ગયો હતો. હાલ આ અંગે પોલીસ દ્વારા વ્ધુકાર્ય્વાહી હાથ ધરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.