સુરતમાં ફરીએકવાર ખેલાયો ખૂની ખેલ, બુટલેગર ઉપર થયું ફાયરિંગ અને…

સુરત શહેરમાં છેલ્લા પાંચ દિવસમાં ચારથી પાંચ હત્યાના બનાવ બની ચૂક્યા છે. તેવામાં સુરતમાં ગુનાખોરી અટકવાનું નામ નથી લઈ રહી. આવી જ એક ઘટના સુરતના લિંબાયત વિસ્તારમાં બની છે.

સુરતના લિંબાયત વિસ્તારમાં આવેલા ચોક પાસે રાકેશ નામના યુવક પર જીવલેણ હુમલો કરવામાં આવ્યો હતો. અજાણ્યા શખસોએ તીક્ષ્ણ હથિયાર દ્વારા હુમલો કર્યો હતો.

અજાણ્યા લોકો દ્વારા તીક્ષ્ણ હથિયાર વડે હુમલો કરાતા ગંભીર રીતે ઇજાગ્રસ્ત થયેલા યુવકને સારવાર માટે ૧૦૮ દ્વારા હોસ્પિટલમાં ખસેડવામાં આવ્યો છે. હોસ્પીટલમાં રાકેશની હાલત ગંભીર હોવાનું જાણવા મળી રહ્યું છે.

ઘટના સ્થળેથી એક રિવોલ્વર પણ મળી આવી છે. આ ઘટના બનતા લિંબાયત પોલીસ સહિત પોલીસ કાફલો ઘટનાસ્થળે પહોંચી ચૂક્યો છે.