પ્રેમ માટે છોડ્યો મજહબ… હિંદુ રીતિરિવાજ પ્રમાણે લગ્નના તાંતણે બંધાઈ મુસ્લિમ યુવતી

હિન્દુ યુવકના પ્રેમમાં એક મુસ્લિમ યુવતીએ ઇસ્લામ ધર્મ છોડી હિંદુ ધર્મ અપનાવ્યો છે. હવે તે શાહીન માંથી શાલુ બની ગઈ છે. હિંદુ ધર્મ ના રીતી-રીવાજોનું પાલન કરતા શાલુ જણાવે છે કે, અહી જે પ્રેમ અને સમ્માન મળે છે તે અમને નથી મળતું. અને હવે આજ મારી ઓળખ છે.

સાજન નામના યુવકે મુસ્લિમ યુવતી સાથે પ્રેમ લગ્ન કરી લીધા છે. હવે તે કહે છે કે મુસ્લિમ યુવતીના સગા સબંધી તેમને મારી નાખવાની ધમકી આપે છે. જ્યારે નવવિવાહિત પતિ-પત્ની પોલીસ પાસે પોતાના રક્ષણની વિનંતી કરવા પહોંચ્યા, ત્યારે પોલીસે પણ તેમને સાંભળ્યા નહીં. પછી તેણે સોશિયલ મીડિયાની મદદ થી સીએમ અને કાયદા મંત્રીને ફરિયાદ કરી. પૂરી ઘટના જાણીયા બાદ પોલીસે સુરક્ષાની ખાતરી આપી છે.

2014 માં મળ્યા અને 6 વર્ષ પછી લગ્ન કર્યા
શાલુ જણાવતા કહે છે કે, હું અને સાજન 6 વર્ષથી સાથે હતા. અમે 2014 માં મળ્યા હતા. હું મેરઠના સદરમાં રહું છું, અને સાજન મેરઠ રેલવે રોડ બસ્તીમાં રહે છે. પરંતુ સાજન મારા ઘરની નજીક કામ કરે છે. અમે છેલ્લા 6 વર્ષથી રિલેશનમાં હતા. ત્યારે બાદ અમે લગ્ન કરવાનું નક્કી કર્યું. કારણ કે, હવે અમે એકબીજા વગર રહી શકતા નથી. તેથી અમે લગ્ન કરવાનું નક્કી કર્યું. મારા પરિવારજનો મારા સબંધની વાતો કરતા હતા માટે મેં આ વાત સાજનને કહી. અમે વિચાર્યું કે પરિવારના સભ્યો બીજે લગ્ન ગોઠવે તે પહેલાં આપણે લગ્ન કરી લેવા જોઈએ. હું સાજન સાથે જ લગ્ન કરવા માંગતી હતી, અને મેં તે કર્યું છે. હું તેનાથી ખુબ ખુશ છું.

પરિવારના સભ્યો મારા આ સંબંધ થી સહમત ન હતા, તેથી અમારે ભાગવું પડ્યું
વધુમાં કહ્યું- જ્યારે અમે લગ્ન કરવાનું નક્કી કર્યું ત્યારે અમે સમજી ગયા હતા કે આ વાત થી અમારા પરિવારના સભ્યો સંમત નહીં થાય. સાજનનો પરિવાર તો સંમત થશે, પરંતુ મારો પરિવાર તો ક્યારેય પણ સહમત નહીં થાય. અને થયું પણ એવું જ… અને મેં જોયું છે કે લગ્નના થોડા વર્ષો પછી બધું બરાબર થઈ જાય છે. એટલા માટે અમે બંને 8 જાન્યુઆરીના રોજ મેરઠથી ભાગીને ૨૫૦ કિમી દુર બદાઉન ગયા. ત્યાં 11 જાન્યુઆરીએ મંદિરમાં અમારા લગ્ન થયા. પછી ત્યાંની જ કોર્ટમાં અમે રજીસ્ટ્રેશન કરાવ્યું.