બિજનૌરમાં ડ્રાઇવરને ઊંઘ આવી જતાં સર્જાયો ગંભીર અકસ્માત- એક જ પરિવારના 4 લોકોના કરુણ મોતથી છવાયો માતમ…

Bijnor Accident: યુપીના બિજનૌરમાં એક ભયાનક માર્ગ અકસ્માત સર્જાયો. જેમાં કારમાં સવાર ચાર લોકોના કરૂણ મોત થયા હતા. કારમાં સવાર લોકો દવા લેવા અમરોહાથી ઋષિકેશ જઈ રહ્યા હતા. ત્યારપછી તેમની કાર કાબૂ બહાર ગઈ અને બિજનૌર પાસે પલટી ગઈ. માર્યા ગયેલા લોકોમાં એક કોન્સ્ટેબલનો(Bijnor Accident) પણ સમાવેશ થાય છે, જે રામપુરમાં તૈનાત હતા.

પ્રાપ્ત માહિતી અનુસાર, આ માર્ગ અકસ્માત 27 માર્ચની સવારે દેહરાદૂન-નૈનીતાલ નેશનલ હાઈવે પર ગુનિયાપુર ગામ પાસે થયો હતો. ડ્રાઇવરને ઊંઘ આવી જવાને કારણે કાર પલટી ગઇ હોવાની ચર્ચા છે. હાલ પોલીસે મૃતદેહોને પોતાના કબજામાં લઈ પોસ્ટમોર્ટમ માટે મોકલી આપ્યા છે. મૃતકના પરિજનોને જાણ કરવામાં આવી છે.

એક જ પરિવારના ચાર લોકોના મોત
વહેલી સવારે રામપુરના પોલીસકર્મી પરવિંદર સહિત ચાર લોકો કારમાં અમરોહાના સિક્રેરા ગામથી ઋષિકેશ દવા લેવા માટે જઈ રહ્યા હતા. જેવી તેમની કાર નેશનલ હાઈવે 74 પર ગુનિયાપુર ગામ પાસે પહોંચી કે અચાનક તે કાબૂ બહાર ગઈ અને રસ્તાની બાજુમાં ખાડામાં પડી ગઈ. ઘટના બાદ હોબાળો મચી ગયો હતો. ત્યાંથી પસાર થતા લોકોએ કોઈક રીતે ચારેયને કારમાંથી બહાર કાઢ્યા અને પોલીસને જાણ કરી. પોલીસે ઘટનાસ્થળે પહોંચીને બચાવ કામગીરી શરૂ કરી હતી પરંતુ ત્યાં સુધીમાં ચારેયના મોત થઈ ચૂક્યા હતા.

પરિવારનું હૈયાફાટ રુદન
જેમાં પોલીસકર્મી પરવિંદરના ખિસ્સામાંથી મળેલા આઈડી કાર્ડ પરથી તેની ઓળખ થઈ હતી. મૃતકોના પરિજનોને જાણ કરવામાં આવી છે અને ચારેયના મૃતદેહને કબજામાં લઈ પોસ્ટમોર્ટમ માટે મોકલી આપવામાં આવ્યા છે. મૃતકના સંબંધી વિવેકે જણાવ્યું કે મૃત્યુ પામેલાઓમાં કોન્સ્ટેબલ પરમિંદર, તેનો ભાઈ, પિતા અને મામાનો સમાવેશ થાય છે. તે દવાઓ લેવા માટે ઋષિકેશ જઈ રહ્યા હતાં. એક સાથે ચાર લોકોના મોતથી પરિવારમાં ગમગીની છવાઈ ગઈ છે.