LIVE અકસ્માતનો દર્દનાક વિડીયો- જુઓ કેવી રીતે બેકાબુ ટ્રકે કેટલાય વાહનોને લીધા અડફેટે, 4 લોકોના કરુણ મોત

ઝારખંડ(Jharkhand)ના રામગઢ(Ramgarh)માં મંગળવારે સવારે એક માર્ગ અકસ્માત(Accident)માં 4 લોકોના કરુણ મોત થયા હતા. ચાર લોકો ગંભીર રીતે ઘાયલ થયા છે, જેમને સારવાર માટે નજીકની હોસ્પિટલમાં દાખલ કરવામાં આવ્યા છે. આ અકસ્માત NH 33 રામગઢ-રાંચી(Ramgarh-Ranchi) મુખ્ય માર્ગ પર રામગઢ પટેલ ચોક(Ramgarh Patel Chowk) પાસે થયો હતો. મળતી માહિતી મુજબ, રાંચી તરફથી આવી રહેલા માલસામાનથી ભરેલા ટ્રેલરે આગળ જઈ રહેલી બંને કારને અડફેટે લીધી હતી.

 

View this post on Instagram

 

A post shared by Trishul News (@trishulnews)

આ પછી તે સામેથી આવતી એક કાર પર પલટી ગઈ. આ ઘટનામાં કારમાં સવાર 3 લોકોના મોત નીપજ્યા હતા, જ્યારે 4 લોકો ગંભીર રીતે ઘાયલ થયા હતા. આ પછી ટ્રેલર પાસે માટીમાં દટાયેલા બે મૃતદેહ મળી આવ્યા હતા. આવી સ્થિતિમાં આ અકસ્માતમાં કુલ 5 લોકોના મોત થયા છે. આ ઘટનામાં કારમાં સવાર બે વ્યક્તિઓ નાસી છૂટ્યા હતા. અકસ્માતની જાણ થતા પોલીસ પણ ઘટના સ્થળે પહોંચી ગઈ હતી.

રિપોર્ટ અનુસાર, આ અકસ્માત પટેલ ચોક ખાતે શક્તિ ફ્યુઅલ પેટ્રોલ પંપ પાસે થયો હતો. વાહનો સાથે અથડાયા બાદ ટ્રેલરમાં આગ લાગી હતી. જેના કારણે પેટ્રોલ પંપમાં આગ ફેલાઈ જવાની ભીતિ સેવાઈ રહી છે, જોકે રામગઢ પોલીસ અને ફાયર બ્રિગેડે ઘટનાસ્થળે પહોંચીને સમયસર આગને કાબૂમાં લીધી હતી. જેના કારણે મોટી દુર્ઘટના ટળી હતી. બાદમાં જ્યારે પોલીસે ક્રેનની મદદથી ટ્રેલરને બહાર કાઢ્યું ત્યારે વધુ ત્રણ મૃતદેહો બહાર કાઢવામાં આવ્યા હતા. અકસ્માત ખૂબ જ ભયાનક હતો, આવી સ્થિતિમાં હજુ સુધી મૃતદેહોની ઓળખ થઈ શકી નથી.