November 02, 2024
Rajkot TRP Gamezone Fire: ગત રોજ શનિવારે રાજકોટના TRP ગેમઝોનમાં લાગેલી વિકરાળ આગની(Rajkot TRP Gamezone Fire) દુર્ઘટનામાં 40થી વધુ લોકોનાં મોત નીપજ્યાં છે. 16 વ્યક્તિના મૃતદેહોનું પોસ્ટમોર્ટમ થયું છે. 28 વ્યક્તિના DNA સેમ્પલ ગાંધીનગર મોકલાયા છે. સેમ્પલ મેચ થયા બાદ મૃતદેહો સ્વજનોને સોંપાશે. ગઈકાલે આગ લાગ્યાની જાણ થતા જ ફાયરબ્રિગેડ, પોલીસ, કોર્પોરેશનના અધિકારીઓ ઘટનાસ્થળે દોડી ગયા હતા.
જેમ જેમ મોતનો આંકડો વધતો ગયો તેમ તેમ સેવાભાવી લોકો દોડી ગયા હતા. આગએટલી વિકરાળ હતી કે, ગેમઝોન આખો બળીને ખાખ થઈ ગયો હતો.ફાયર સેફ્ટીના સાધનોમાં ખામી હોવાનું પ્રાથમિક તારણ જણાઈ રહ્યું છે. ગેમઝોનમાં બેદરકારીના દ્રશ્યો સામે આવ્યા છે. અહીં ફાયર સેફ્ટીના સાધનો હતા, પણ કનેક્શન નહોતું.
જાણો આગ લાગવાનું મુખ્ય કારણ
ગેમઝોન NOC વગર જ ચાલતુ હતું. સાડા ત્રણ વર્ષથી કોઈપણ ચકાસણી વગર ધમધમતું હતું. આ વચ્ચે એક મહત્વપૂર્ણ સીસીટીવી સામે આવ્યા છે. આ સીસીટીવી દર્શાવે છે કે આગ કઇ રીતે લાગી હતી. સીસીટીવીમાં સ્પષ્ટ જોઇ શકાય છે કે વેલ્ડીંગના તિખારા ઝરતા આ આગ લાગી હતી.
Trending News
તિખારા જે જગ્યાએ પડ્યા ત્યાં -ફોર્મની સીટ હતી. ગાદીમાં આગ લાગતા આગ ઝડપથી પ્રસરી ગઇ હતી. આ આગ ગણતરીની મિનિટોમાં ભીષણ જ્વાળાઓમાં પલટાઇ ગઇ હતી. મૃતદેહ ભયાનક રીતે સળગી જતા તેમની ઓળખ કરવામાં પણ મુશ્કેલી ઉભી થઇ રહી છે. જેથી 28 વ્યક્તિના DNA સેમ્પલ ગાંધીનગર મોકલાયા છે. સેમ્પલ મેચ થયા બાદ મૃતદેહો સ્વજનોને સોંપાશે.
હાલ મૃતકોની ઓળખ માટે તેમના માતા-પિતા અથવા ભાઇ બહેનના સેમ્પલ લેવાયા છે. રાજકોટ સિવિલ હોસ્પિટલમાં મોટી સંખ્યામાં લોકો પહોંચ્યા હતા. રાજકોટના અગ્નિકાંડની ઘટનાએ આજે ફરી સુરતના તક્ષશિલા અગ્નિકાંડની યાદો તાજી કરી દીધી છે. હજૂ તો બે દિવસ પહેલા જ તક્ષશિલાકાંડની વરસી ગઈ અને તેના એક જ દિવસ પછી રાજકોટમાં અગ્નીકાંડની ઘટના બની છે.
આવી દૂર્ઘટનાઓ ક્યારે બંધ થશે તે સૌથી મોટો સવાલ છે. રાજકોટ ગેમઝોન દુર્ઘટનાને લઈ લોકોએ દુઃખ વ્યક્ત કરી તંત્રની બેદરકારીના કારણે નિર્દોષ લોકોએ જીવ ગુમાવ્યો હોવાના વસવસા સાથે રોષ વ્યક્ત કર્યો છે. ટેમ્પરરી સ્ટ્રક્ચરના નામે ગેમ ઝોન બની ગયો પણ હવે ત્યાં ગ્રાહકોને લાવવા હોય તો એકાદ તંત્રની મંજૂરી તો લેવી જ પડે.
જો મનપામાં જાય તો તેમને એ ટેમ્પરરી સ્ટ્રક્ચરમાં પણ ફાયર એનઓસી ફરજિયાત લગાવવી પડે. જેથી તેના બીજા રસ્તા તરીકે માર્ગ અને મકાન વિભાગની મિકેનિકલ બ્રાન્ચમાં રાઈડની મંજૂરીની અરજી કરાઈ હતી. વિભાગના ઈજનેરોએ સ્થળ પર અલગ અલગ પ્રકારના ગેમ ઝોનના ઈક્વિપમેન્ટના સ્ટેબિલિટી સર્ટિફિકેટ આપી દીધા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App