મહિલાની સાડી ઉતારીને ગરમ વાંસથી મારવામાં આવ્યો ઢોર માર- કારણ જાણીને રૂવાડા બેઠા થઇ જશે

બિહાર(Bihar)ના મધેપુરા(Madhepura)ની એક હૃદયદ્રાવક ઘટના સોશિયલ મીડિયા(Social media) પર વાયરલ(Viral) થઈ રહી છે. ઘટનાના વીડિયોમાં એક મહિલાને ખૂબ જ ખરાબ રીતે મારવામાં આવી રહી છે. એવું કહેવામાં આવી રહ્યું છે કે પીડિતાને ત્યાં સુધી માર મારવામાં આવ્યો જ્યાં સુધી તે બેહોશ ન થઈ ગઈ. તેની સાથે આ બર્બરતા વર્તનનું કારણ જાણીને તમને આશ્ચર્ય થશે.

ખરાબ રીતે માર મારવામાં આવ્યો:
ઘટના સદર પોલીસ સ્ટેશન વિસ્તારના રાજપુર ગામની છે. એક રિપોર્ટ અનુસાર પીડિત મહિલા રાત્રે શૌચ કરવા ગઈ હતી. કેટલાક લોકોએ તેને અંધારામાં ખેતરમાં જોઈ અને ગામમાં હંગામો મચાવ્યો. મહિલા રાત્રે કોની સાથે ખેતરમાં હતી તેની પૂછપરછ શરૂ કરી. આ પછી મહિલાને મારવાની તૈયારી કરવામાં આવી હતી.

આ માટે બીજા દિવસે પંચાયત બોલાવવામાં આવી હતી અને મહિલાને ત્યાં લાવવામાં આવી હતી. ત્યારપછી પંચાયતના આદેશ પર મહિલાને ગેરવર્તણૂક ગણાવીને ખરાબ રીતે મારવાનું શરૂ કરવામાં આવ્યું હતું. આટલી નિર્દયતાથી કરવામાં આવેલ મારપીટનો વીડિયો પણ બતાવી શકાય તેમ નથી. આ દરમિયાન મહિલાની સાડી પણ ખોલી નાંખવામાં આવી હતી, પરંતુ માર મારનારાઓ બંધ થયા ન હતા.

આ બધું આખા ગામની સામે ચાલ્યું ત્યાં સુધી કે મહિલા બેભાન થઈ ગઈ. જે બાદ કેટલાક લોકો તેને સારવાર માટે હોસ્પિટલ લઈ ગયા હતા.