પરિવારના ઝઘડામાં એક મહિલાને જીવતી સળગાવી દીધી, જાણો કયાની છે આ કરુણ ઘટના

એક બાજુ ગુજરાત રાજ્ય સરકાર એવું કહે છે કે, ગુજરાત રાજ્યમાં મહિલાઓ સુરક્ષિત છે પણ પોલીસ સ્ટેશનમાં વારંવાર નોંધાતા કેસોને જોતાં એવું લાગી રહ્યું છે કે, ગુજરાત રાજ્યમાં મહિલાઓ સુરક્ષિત નથી કેમ કે, વારંવાર મહિલાઓ ઉપર ત્રાસ ગુજારવાનાં બનાવો બહાર આવ્યા છે. અમુક દહેજનાં લાલચુ સાસરિયાં પુત્રવધૂને ઘરની બહાર કાઢી મુકતા હોવાનો બનાવ બહાર આવે છે, તો ઘણા અસામાજિક તત્ત્વોએ યુવતીઓ તેમજ મહિલાઓની પજવણી કરવાનાં બનાવો બહાર આવે છે. તે સમયે અંગત અદાવતમાં એક મહિલાને જીવતી સળગાવી દેવાની ઘટના કરાલી ગામમાં બહાર આવી હતી.

ગામમાં બે જૂથમાં થયેલી બોલાચાલીમાં એક મહિલાને જીવતી સળગાવી દેવામાં આવી હતી. મહિલા શરીર ઉપર દાઝી જતાં બૂમાબૂમ કરતાં આજુબાજુનાં સ્થાનિક લોકો બનાવ સ્થળ ઉપર દોડી આવ્યા હતા તેમજ મહિલાનાં શરીર ઉપર લાગેલી આગને ઓલવીને તે મહિલાને સારવાર માટે એમ્બુલન્સની મદદથી હોસ્પિટલમાં લઇ જવામાં આવી હતી. આખા બનાવની જાણ પોલીસને થતાં પોલીસ ટુકડી બનાવ સ્થળે પહોંચી હતી તેમજ પોલીસ દ્વારા FSLની ટીમને સાથે લઈને તપાસનો ધમધમાટ ચાલુ કરવામાં આવ્યો હતો. અત્યારે મહિલા હોસ્પિટલમાં સારવાર ચાલે છે.

મળેલ રિપોર્ટ મુજબ વડોદરા શહેરનાં કરાલીપુરા ગામમાં રહેતા વસાવા પરિવાર તેમજ પાટણવાડીયા પરિવારમાં અંગત અદાવતને લઇને ઝગડો થયો હતો તેમજ આખા બનાવે બંને પરિવારોએ એકબીજા સામે પોલીસ ફરિયાદ પણ કરી હતી. એ અંગત ઝગડામાં પાટણવાડીયા પરિવારની મહિલાને જીવતી સળગાવી મારી નાખવાનો પ્રયત્ન કરવામાં આવ્યો હતો. વસાવા પરિવાર તેમજ પાટણવાડીયા પરિવારમાં 1 વર્ષ અગાઉ થયેલી ફરિયાદ બાબતે સમાધાન માટે બંને પરિવારો ભેગા મળ્યા હતા. સમાધાનમાં જ વસાવા પરિવારનો રાહુલ તેમજ પાટણવાડીયા પરિવારનાં વિશાલ બંને વચ્ચે બહુ બોલાચાલી થઇ હતી. રાહુલ તેમજ વિશાલનો ઝઘડો ઉગ્ર બનતા રાહુલનાં પિતા પરષોત્તમ વસાવા તેમજ રાહુલની માતા ઉષા વસાવા બનાવ સ્થળ પર પહોંચ્યા હતા.