સુરતમાં કોલેજ ગર્લ પર રેપ થયાની ફરિયાદ બાદ નાટ્યાત્મક વળાંક, યુવતીએ ભાનમાં આવીને કહ્યું કે…

સુરતમાં કોલેજ ગર્લ પર રેપ થયાની ફરિયાદ બાદ આ સમગ્ર ઘટનામાં નાટ્યાત્મક વળાંક આવ્યો છે. લિંબાયત ગોડાદરાની 21 વર્ષીય કોલેજિયન ગર્લ પાર્લે પોઈન્ટ મસ્કતી પ્લોટ-2માં ગોકુલધામ એપા.ના પાછળના ભાગે બુધવારે મોડી રાત્રે બેભાન હાલતમાં મળતાં ઉમરા પોલીસે રેપ, હત્યાની કોશિશનો ગુનો નોંધ્યો હતો. 21 વર્ષીય યુવતીની બેભાન હાલતમાં ગંભીર ઇજાઓ થઈ હતી. જોકે, 24 કલાકના અંતમાં આ મામલો સંપૂર્ણ રીતે પલટાયો હતો. ગુરુવારે રાત્રે સાડા નવ વાગ્યાની આસપાસ વિદ્યાર્થીનીએ પોલીસને નિવેદન આપ્યું ટે જાણીને અધિકારીઓ પણ ચોંકી ગયા. જોકે, ગત રાત્રે સાડા 11 કલાક બાદ જ્યારે યુવતી ભાનમાં આવી ત્યારે તેણે પોલીસને કહ્યું, મારી સાથે રેપ થયો નથી. જિંદગીથી કંટાળી પોતે બિલ્ડિંગ પરથી કૂદી આપઘાતનો પ્રયાસ કર્યો હતો, જેથી પોલીસ પણ ચોંકી ઊઠી હતી.

બુધવારે રાત્રે 10 વાગ્યે સિટી લાઇટના પોસ્ટ વિસ્તારમાં આવેલા આ એપાર્ટમેન્ટના પરિસરમાં યુવતીને ગંભીર ઈજાઓ અને બેભાન અવસ્થામાં મળી હતી. પોલીસે બળાત્કારનો ગુનો પણ નોંધ્યો હતો. સિવિલ હોસ્પિટલમાં દાખલ આ વિદ્યાર્થીને પગમાં ફ્રેક્ચર થયું હતું અને માથામાં ગંભીર ઈજાઓ થતાં બુધવારે રાત્રે 10 વાગ્યાથી તે બેભાન થઈ ગઈ હતી. આ પ્રથમ વર્ષની વિદ્યાર્થીની વેસુની અગ્રવાલ કોલેજમાં ફી માફી માટે અરજી કરવા બુધવારે સવારે 10 વાગ્યે ઘરેથી નીકળી હતી.

સવારે લિંબાયતમાં ઘર છોડ્યા બાદ વિદ્યાર્થી વેસુની કોલેજમાં ગઈ હતી. કહેવામાં આવી રહ્યું છે કે તેણે ખરીદી પણ કરી હતી. ડીસીપી વિધિ ચૌધરીએ જણાવ્યું હતું કે આ કેસ એટલો જટિલ હતો કે ક્રાઈમ બ્રાંચ અને ઉમરા પોલીસની ટીમ તપાસમાં સામેલ થઈ હતી. ગોકુલધામમાં રહેતા આયુષે જણાવ્યું કે, યુવતી બુધવારે રાત્રે 10:15 વાગ્યે જમવા બેસતી હતી ત્યારે છત પરથી નીચે પડી હતી.

ગોડાદરામાં રહેતી 21 વર્ષીય યુવતી બુધવારે સવારે 11.30 વાગ્યે કોલેજ જવા પિતા પાસે કોલેજમાં ફોર્મ ભરવા ફી અને બુકના 10 હજાર લઈ નીકળી હતી. તે મોડી રાત્રે પાર્લે પોઈન્ટના ગોકુળધામ એપાર્ટમેન્ટ નીચે બેભાન હાલતમાં મળતાં પોલીસે રેપ- હત્યાના પ્રયાસનો ગુનો દાખલ કર્યો હતો. જોકે આ પ્રકરણમાં યુવતી ભાનમાં આવ્યા બાદ નાટ્યાત્મક વળાંક આવ્યો છે. એને લઈને પોલીસ પણ ચોંકી ઊઠી છે.