સુશાંતથી લઈને તુનીષા સુધી… કોઈની પણ મૃત્યુનું રહસ્ય ઉકેલાયું નથી ત્યાં વધુ એક અભિનેતાનો આપઘાત

એક મહિના પહેલા જ પ્રખ્યાત ટીવી એક્ટ્રેસ તુનિષા શર્મા (Tunisha Sharma) એ શૂટિંગ સેટ પર ફાંસી લગાવીને આપઘાત કરી લીધો હતો. અને તે અંગે હજુ સુધી કંઈપણ બહાર આવ્યું નથી. મૃત્યુનું આ રહસ્ય હજુ ઉકેલાયું ન હતું કે વધુ એક ખરાબ સમાચાર આવ્યા છે.

સાઉથના પ્રખ્યાત અભિનેતા સુધીર વર્મા (Sudheer Varma) એ આપઘાત કરી લીધો છે. મળેલી માહિતી અનુસાર અભિનેતાએ વિશાખાપટ્ટનમ (Visakhapatnam) સ્થિત તેના નિવાસસ્થાને ઝેર ખાઈને આપઘાત કર્યો હતી. તેમની સાથે કામ કરનાર સુધાકરે અભિનેતાના નિધનની પુષ્ટિ કરી હતી.

એવું કહેવામાં આવે છે કે, ફિલ્મોમાં સારા રોલ ન મળવાને કારણે તે ખૂબ જ નાખુશ હતો અને ડિપ્રેશનમાં હતો. સુધીર વર્માના આ પગલા બાદ ચાહકો ખૂબ જ દુઃખી છે અને તેમની આત્માની શાંતિ માટે પ્રાર્થના કરી રહ્યા છે. સોશિયલ મીડિયા પર આ સમાચાર સામે આવતાની સાથે જ લોકો તેમના પ્રત્યે શોક વ્યક્ત કરી રહ્યા છે.