ગૌતમ ગંભીર બાદ હવે ભાજપના વધુ એક દિગ્ગજ નેતાએ રાજનીતિમાં કર્યું સંન્યાસનું એલાન- જાણો શા માટે નહીં લડે ચુંટણી

Jayant Sinha Quit Politics: પૂર્વ કેન્દ્રીય મંત્રી અને હજારીબાગથી ભાજપના સાંસદ જયંત સિન્હાએ(Jayant Sinha Quit Politics) આગામી લોકસભા ચૂંટણી નહીં લડવાનો નિર્ણય કર્યો છે. શનિવારે તેમણે બીજેપી અધ્યક્ષ જેપી નડ્ડાને પત્ર લખ્યો હતો. જેમાં તેમણે અપીલ કરી હતી કે તેમને ચૂંટણી ફરજમાંથી મુક્ત કરવામાં આવે. એ પણ કહ્યું કે તેઓ ભારત અને સમગ્ર વિશ્વમાં ક્લાઈમેટ ચેન્જનો સામનો કરવા પર ધ્યાન કેન્દ્રિત કરવા માંગે છે.

વિશ્વમાં ક્લાઈમેટ ચેન્જનો સામનો કરવા પર ધ્યાન કેન્દ્રિત કરવા માંગે છે
આગામી લોકસભા ચૂંટણી ન લડવાની ઈચ્છા વ્યક્ત કરતાં સિંહાએ કહ્યું કે મેં જેપી નડ્ડાને મારી સીધી ચૂંટણીની ફરજોમાંથી મુક્ત કરવા વિનંતી કરી છે. જેથી કરીને, હું ભારતમાં અને સમગ્ર વિશ્વમાં વૈશ્વિક આબોહવા પરિવર્તનનો સામનો કરવા માટે મારા પ્રયત્નો પર ધ્યાન કેન્દ્રિત કરી શકું. હું આર્થિક અને શાસનના મુદ્દાઓ પર પાર્ટી સાથે કામ કરવાનું ચાલુ રાખીશ.

🔳 Political Breaking:

📢 Sitting MP from HAZARIBAGH Parliamentary Constituency Mr Jayant Sinha resigns from BJP.

▫️He is the son of Former FM Yashwant Sinha.

▫️BIG set back to #BJP in Jharkhand .#LokSabhaElections2024#Jharkhand pic.twitter.com/3HZtw7aWlv

— Saibpal Pandit (@PanditSaibpal) March 2, 2024

પીએમ મોદીનો આભાર માન્યો
નરેન્દ્ર મોદી કેબિનેટમાં નાણા અને નાગરિક ઉડ્ડયન રાજ્ય મંત્રી તરીકે ફરજ બજાવતા સિંહાએ વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહનો આભાર વ્યક્ત કર્યો હતો. તેમણે કહ્યું કે મને છેલ્લા 10 વર્ષથી ભારત અને હજારીબાગની જનતાની સેવા કરવાનું સૌભાગ્ય મળ્યું છે. સિંહાની જાહેરાત પાર્ટીના અન્ય નેતા ગૌતમ ગંભીરે જેપી નડ્ડાને આવી જ અપીલ કર્યાના કલાકો બાદ કરવામાં આવી હતી.