માસિક સ્રાવ દરમ્યાન શા માટે અસહ્ય દુ:ખાવો થાય છે? જાણો તેનું કારણ અને ઉપાય

Health Tips: પીરિયડ્સ દરમિયાન મહિલાઓ અથવા છોકરીઓ પગમાં દુખાવો અને શરીરમાં જકડાઈ જવાની ફરિયાદ કરે છે. મોટાભાગની મહિલાઓ પીરિયડ્સ પહેલા પગમાં દુખાવાની ફરિયાદ કરે છે. પરંતુ, શું તમે ક્યારેય વિચાર્યું છે કે આનું કારણ શું છે? આ સિવાય શું આ દુખાવા માટે કોઈ દવા લેવી જોઈએ કે પછી કોઈ ઘરેલું ઉપચારની મદદ(Health Tips) લેવી જોઈએ. આવો જાણીએ તેનું કારણ અને પછી જાણીએ તેના માટેના કેટલાક ઘરેલું ઉપાય.

પીરિયડ્સ પહેલા પગ કેમ દુખે છે?
પીરિયડ્સ દરમિયાન, એસ્ટ્રોજન અને પ્રોજેસ્ટેરોનનું સ્તર ઘટે છે, જ્યારે પીરિયડ્સના અંતે પ્રોસ્ટાગ્લાન્ડિનનું ઉત્પાદન વધે છે. આ હોર્મોનલ ફેરફારો વાસ્તવમાં પગમાં દુખાવોનું કારણ છે. નોંધનીય બાબત એ છે કે પગમાં દુખાવો સામાન્ય સ્નાયુ ખેંચાણ અથવા દુખાવાથી અલગ લાગે છે. આ સમય દરમિયાન તમને તીક્ષ્ણ દુખાવો થઈ શકે છે જે કમર અથવા બંને પગમાં અનુભવાઈ શકે છે. તમારા પીરિયડ્સ શરૂ થાય તે પહેલાં આ દુખાવો વધુ ખરાબ થઈ શકે છે અને જેમ જેમ તમારી ઉમર વધે તેમ આ પીડા વધી શકે છે.પરંતુ દરેક લોકોને એવું નથી અમુક લોકોને પોતાના હોર્મોન્સ અને સ્ટ્રેસ પર પણ આધાર રાખે છે.

પીરિયડના પગમાં દુખાવો કેવી રીતે ઘટાડવો?
પીરિયડ્સમાંથી રાહત મળે તે માટે ગરમ પાણીની બોટલ અથવા હીટિંગ પેડ સીધા તમારા પગની પીડાદાયક જગ્યા પર લગાવો.
તમારા પગને પણ ગરમ મીઠાના પાણીમાં રાખો.
તમારા પગ દિવાલ સાથે દબાવીને સૂઈ જાઓ. તેનાથી આરામનો અનુભવ થશે.

નોંધનીય બાબત એ છે કે પગમાં સોજો ઓછો કરવા, રક્ત પરિભ્રમણ વધારવા અને આ માટે સ્ટ્રેચિંગ એક્સરસાઇઝ કરો. આ સિવાય તમે દૂધમાં હળદર મિક્સ કરીને પણ પી શકો છો જે પીરિયડના પગના દુખાવાને ઓછો કરવામાં મદદરૂપ છે.