એક યુવતીના પ્રેમમાં પડ્યા બે યુવકો, પ્રેમિકાને પામવા માટે પ્રેમીએ મિત્રો સાથે મળીને કર્યું એવું કે…

હાલમાં રાજ્યમાં આવેલ અમદાવાદના પોશ વિસ્તારમાંથી એક ચોંકાવનાર ઘટના સામે આવી છે. અહીં એક યુવતી બે યુવકોને પ્રેમ કરતી હોવાને લીધે પ્રેમીઓની વચ્ચે તકરાર ઉભી થઈ હતી. પોતાની પ્રેમિકાને પામવા માટે એક પ્રેમીએ અન્ય પ્રેમીનું પોતાના મિત્રોની સાથે મળીને અપહરણ કર્યું હતું. આની સાથે જ તેને નગ્ન કરીને વીડિયો પણ ઉતારી લેવામાં આવ્યો હતો. ત્યારબાદ તેને ગુપ્તભાગમાં માર પણ મારવામાં આવ્યો હતો. આ ઘટનામાં સોલા પોલીસ દ્વારા 2 શખસોની ધરપકડ કરવામાં આવી છે. આની સાથે જ  આગળની કાર્યવાહી હાથ ધરવામાં આવી છે.

યુવતી એક સાથે 2 યુવકો સાથે સંબંધ રાખતી:
શહેરના સોલા વિસ્તારમાં એક યુવતી 2 યુવકોની સાથે સંબંધ ધરાવતી હતી. આ યુવતીનો એક પ્રેમી તેના અન્ય પ્રેમીની રેકી કરીને તેનું પોતાના મિત્રોની સાથે મળીને અપહરણ કર્યું હતું. તેને કારની ડેકીમાં નાંખીને કોઈ અજાણી જગ્યાએ લઈ ગયા હતાં. જ્યાં યુવકને નગ્ન કરીને ગુપ્તાંગ પર માર મારીને વીડિયો રેકોર્ડિંગ પણ કરી લેવામાં આવ્યું હતું.

આરોપી પ્રેમિકાના મોબાઈલમાં રીતેશનો મેસેજ જોઈ ગયો:
પ્રણય ત્રિકોણની ફિલ્મી વાર્તાની જેમ રિતેશ પટેલને છેલ્લા 6 વર્ષથી એક યુવતીની સાથે પ્રેમ સંબંધ હતો. એક ગામના રહેવાસી હોવાને લીધે સ્કૂલનાં સમયથી પ્રેમ પાંગણ્યો હતો. જ્યારે આરોપી મિત પટેલ ડીજેનું કામ કરે છે. 6 મહિના અગાઉ ડીજે પાર્ટીમાં આ યુવતીના સંપર્કમાં આવ્યો હતો.

જેથી બન્ને વચ્ચે પ્રેમની શરૂઆત થઈ હતી. યુવતી બન્ને પ્રેમીઓની સાથે સબંધ રાખ્યો હતો. એક દિવસ આરોપી મિત પટેલ પોતાની પ્રેમિકાના મોબાઈલમાં રિતેશ સાથેની વાતચીતના મેસેજ જોઈ ગયો હતો. આ સમગ્ર ઘટનાને અંજામ મિત્રો સાથે મળીને આપ્યો હતો.