ક્રાઈમ પેટ્રોલ સિરિયલ જોઈને સસરાની જાગી ઉઠી હવસ, પુત્રવધૂ સાથે એવું કૃત્ય કર્યું કે પરણીતાએ કરી લીધો આપઘાત

અમદાવાદ(ગુજરાત): એક યુવતીએ 4 દિવસ પહેલા આપઘાત કર્યો હોવાની ઘટનામાં નવા ખુલાસા થયા છે. અન્ય કોઈ કારણ નહિ પણ યુવતીએ તેના સસરા તેની છેડતી કરતા હોવાનો આરોપ તેની માતાને જણાવી હતી. તેણે માતાને જણાવ્યું હતું કે, તેના સસરા ક્રાઇમ પેટ્રોલ સિરિયલ જોવે અને બીભત્સ દ્રશ્યો આવે તો તે ત્યાંથી જતી રહેતી પણ તેના સસરા તેને ત્યાં બેસાડીને તેના અડપલા કરતા હતા. છેવટે આ બધું સહન ન થતા યુવતીએ આપઘાત કર્યો હતો. જે અંગે યુવતીની માતાએ વેવાઈ વિરુધ ફરિયાદ નોંધાવતા પોલીસે આરોપી સસરાની અટકાયત કરી છે.

આણંદ જિલ્લાના એક ગામમાં રહેતી 40 વર્ષના મહિલાના વર્ષ 1999 માં અમદાવાદમાં લગ્ન થયા હતા. આ મહિલાને લગ્ન જીવનથી 1 પુત્રીનો જન્મ થયો હતો. થોડા સમય પછી પતિ સાથે ઝઘડો થતા આ મહિલા તેના પિયર રહેવા લાગી હતી.દીકરીનો કબજો પણ પોતાની પાસે રાખ્યો હતો.

વર્ષ 2021 ના જાન્યુઆરી મહિનાના મહિલાની પુત્રીના એક યુવક સાથે લગ્ન કર્યા હતા. લગ્ન બાદ આ યુવતી તેના પતિ, સસરા, બે જેઠ અને જેઠાણી સાથે રહેતી હતી. આ યુવતી જ્યારે પિયર જાય ત્યારે તેની આ ફરિયાદી માતાને સસરાની ફરિયાદ કરતી હતી.

યુવતીએ આરોપ લગાવ્યો હતો કે, તે રસોડામાં કામ કરતી હોય ત્યારે કોઈ ઘરમાં ન હોય તો તેના સસરા રસોડા માં આવી તેની આસપાસ પડેલી વસ્તુઓ લેવાના બહાને તેના શરીરના અલગ અલગ ભાગે અડતા હતા. તેની માતાને યુવતીએ એવું પણ જણાવ્યું હતું કે, તેના સસરા વધારે ઘરે જ રહેતા હતા અને ક્રાઇમ પેટ્રોલ જેવી સિરિયલ જોતા હતા.