November 24, 2024
આજકાલ અસામાજિક તત્વો ખુલ્લેઆમ મહિલાઓને છેડતી કરતા જોવા મળે છે. આ દરમિયાન અમદાવાદના પૂર્વ વિસ્તારમાં એક ગર્ભવતી મહિલા સાથે છેડતીની ઘટના સામે આવી છે. મહિલા જયારે તેના ઘરમાં સુતી હતી ત્યારે મકાન માલિકનો પુત્ર ઘરમાં ઘુસ્યો અને પરિણીતાને “તું બહુ સારી લાગે છે અને હું તને બહુ પ્રેમ કરું છું” કહીને છેડતી કરી હતી. આશ્ચર્યની વાત તો એ છે કે, મકાનની એક બારીની ચાવી મકાન માલિક રાખતા હતા અને આ ચાવીથી બારી ખોલીને તે ઘરમાં ઘુસ્યો હતો.
સમગ્ર ઘટના અંગે ગોમતીપુર પોલીસ દ્વારા ગુનો નોંધીને તપાસ હાથ ધરવામાં આવી છે. અમદાવાદ શહેરના ગોમતીપુર વિસ્તારમાં રહેતી 25 વર્ષીય પરિણીતા સાજેદાબાનુ અન્સારીના મકાનમાં છેલ્લા છ મહિનાથી ભાડે રહે છે. તેના પરિવારમાં તેનો પતિ તેમજ 5 વર્ષનો પુત્ર છે. જાણવા મળ્યું છે કે, આ મહિલાનો પતિ કલર કામ કરે છે. આ ઉપરાંત મહિલાને હાલ ત્રણ મહિનાનો ગર્ભ છે. તેના મકાન માલિકને અઝરુદ્દીન અન્સારી નામનો એક છોકરો છે.
મળતી માહિતી મુજબ, 15મે ના રોજ બપોરે આ મહિલા ઘરની બાજુમાં આવેલા લીમડાના ઝાડ નીચે સુતી હતી અને બાદમાં તડકો આવતા ઘરની અંદર સૂવા જતી રહી હતી. ત્યારબાદ ઘરમાં ખાટલા ઉપર આ મહિલા સુતી હતી અને તેના ઘરનો આગળનો દરવાજો ખુલ્લો હતો.
Trending News
ઘરની પાછળ આવેલી બારીમાં મકાનમાલિક તાળું મારીને રાખે છે અને ચાવી પણ તેઓ રાખે છે. આ પાછળના ભાગે આવેલી બારીનું તાળું ખોલીને મકાન માલીકનો પુત્ર અઝરુદ્દીન અન્સારી ઘરમાં ઘુસ્યો હતો અને આગળના મુખ્ય દરવાજાની અંદરથી સ્ટોપર બંધ કરી દીધી હતી.
આ દરમિયાન દરવાજાનો અવાજ આવતાં આ મહિલા જાગી ગઈ હતી અને અઝરુદ્દીને આ મહિલાનો હાથ પકડી લીધો હતો અને કહેવા લાગ્યો કે “તું બહુ સારી લાગે છે અને હું તને બહુ પ્રેમ કરું છું”. મહિલાએ બૂમાબૂમ કરતા આ અઝરુદ્દીને મોઢું દબાવી દીધું હતું અને બારીમાંથી પાછો ભાગી ગયો હતો.
આ દરમિયાન મહિલાએ દરવાજો ખોલીને બુમાબુમ કરી હતી જેથી આસપાસના લોકો ભેગા થઇ ગયા હતા અને સાંજે જ્યારે તેનો પતિ ઘરે પરત આવ્યો ત્યારે આ અંગે જાણ કરી હતી. ઉપરાંત મહિલાને ત્રણ માસનો ગર્ભ હોવાથી તેની તબિયત પણ ખરાબ થઈ ગઈ હતી. બાદમાં તબિયત સારી થતા આ મહિલાએ અસરુદ્દીન સામે ગોમતીપુર પોલીસ સ્ટેશનમાં ફરિયાદ નોંધાવતા પોલીસ દ્વારા તપાસ શરૂ કરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.