PSI ના ત્રાસથી કંટાળીને અમદાવાદના યુવાને મોતને કર્યું વ્હાલું- સ્યુસાઈડ નોટમાં થયો મોટો ઘટસ્ફોટ

અમદાવાદ (ગુજરાત): ગુજરાત (Gujarat) માં આવેલ અમદાવાદ (Ahmedabad) શહેરમાં રહેતા પોલીસ કર્મચારીના ત્રાસથી કંટાળીને ગીતા મંદિર વિસ્તારમાં રહેતા યુવાને આપઘાત (Suicide) કરી લીધો હોવાની ઘટના સામે આવી છે. PSI ના ત્રાસથી કંટાળીને આપઘાત કરીને જીવન ટુંકાવી લીધું છે.

શહેરના ગીતા મંદિર વિસ્તારમાં રહેતા ગેમજીભાઈ રેવરે સાંજનાં સુમારે આપઘાત કરી લેતા ચકચાર મચી જવા પામી છે. પોલીસને જાણ થતાંની સાથે જ પોલીસની કાફલો ઘટનાસ્થળ પર પહોંચી ગયો હતો. આની સાથે જ તપાસ કરતા તેમની પાસેથી એક સ્યુસાઇડ નોટ પણ મળી આવી છે.

જેમા બિગ બજાર ચોકીના PSI ગોહિલ તેમજ તેમની દુકાનના પડોશી જયેન્દ્ર નામના વ્યક્તિ ગેમજી ભાઈને અવારનવાર માનસિક ત્રાસ આપતા હોવાનું જણાવ્યું હતું જેને લીધે તેઓએ આપઘાત કર્યો હોવાનું જણાવ્યુ છે. જેને લીધે સમગ્ર પરિવારમાં શોકનો માહોલ ફરી વળ્યો છે.

સ્યુસાઇડ નોટમાં શું લખ્યુ?
સ્યુસાઇડ નોટમાં લખ્યું છે કે, અમારી સાથે ખૂબ અન્યાય થયો છે. અમારી દુકાનની પાછળ જયેન્દ્ર કોસ્ટી તેમજ બિગ બજારના PSI ગોહિલ સાહેબ એમ બન્નેએ મળીને મારી ઉપર ખોટા કેસ કરીને ખોટી FIR દાખલ કરીને દબાણ આપ્યા કરે છે તેમજ ગોહિલ સાહેબ અમારું કાંઈ સાંભળતા નથી.