અમરેલી જીલ્લાને સુરતના યુવાનો અને ડોકટરોનો “સેવાયજ્ઞ” થી કરી રહ્યા છે કોરોના મુક્ત

છેલ્લા ઘણા સમયથી કોરોનાએ તેનું વિકરાળ સ્વરૂપ ધારણ કર્યું હોય તેવું લાગી રહ્યું છે. કોરોનાના કેસોમાં ઘણો વધરો જોવા મળ્યો છે. કેટલાક લોકોને તો જરૂર સમયે બેડ કે ઓક્સીજન પણ મળી રહેતા નથી. આ દરમિયાન ઘણા સેલેબ્રીટી પણ મદદે આવ્યા છે. આ મહામારીમાં ઘણા લોકો દ્વારા સેવા આપવામાં આવી છે.

આ દરમિયાન જાણવા મળ્યું છે કે, “સેવા”ના સથવારે સુરત ટીમના સહકારથી અમરેલી જિલ્લાના રાજુલા તાલુકાના વાવેરા ગામ ખાતે ગામના સરપંચ શ્રી અરવિંદ ભાઈ કોટડીયા, રાજુભાઈ સાવલિયા તેમજ ગ્રામજનો દ્વારા શરૂ થયેલ આઇસોલેશન સેન્ટરની મુલાકાત લેવામાં આવી હતી.

જાણવા મળ્યું છે કે, સુરતના નામાંકીત યુનિટી હોસ્પીટલના ડોકટરોની ટીમ સાથે કોરોનાગ્રસ્ત દર્દીઓની ઓપીડી લેવામાં આવી હતી. સુરતથી સેવા ટીમના ધાર્મિક માલવીયા, સંકેત ગજેરા, ગૌતમ લક્કડ, મૌલિક નસીત સહિતની ટીમ દ્વારા ગ્રામજનોને મફત દવાઓ આપવામાં આવી હતી તથા કોરોનાથી ડરવાની જગ્યાએ સાવચેતી રાખી સમયસર લોકો સારવાર લે તે માટે જરૂરી માર્ગદર્શન પણ પૂરું પાડવામાં આવ્યું હતું.