કૉંગ્રેસના કાર્યકારી યુવા અધ્યક્ષ હાર્દિક પટેલની અટકાયત

હાલમાં સમગ્ર ઉત્તરપ્રદેશમાં આવેલ હાથરસની ઘટનાનાં વિરોધમાં કૉંગ્રેસ દ્વારા સમર્થિત પ્રતિકાર રેલીનું આયોજન થવાનું છે. કોચરબ આશ્રમથી લઈને ગાંધી આશ્રમ સુધી યોજાનાર આ રેલીમાં કૉંગ્રેસ સહિતના બીજા પક્ષના જે કાર્યકર્તાઓ જોડાશે. એને લીધે પોલીસને ટોળા એકત્ર થવાની આશંકા રહેલી છે.

ટોળા એકત્ર થવાની કોરોના ફેલાવવાનો ડર રહેલો છે જેને લીધે પોલીસે આ રેલીની પરવાનગી આપી નથી. પોલીસે જણાવતા કહ્યું છે કે, પરવાનગી ન હોવાને લીધે પોલીસ દ્વારા અટકાયત કરવામાં આવશે. કાર્યવાહી કરવામાં આવશે. આ વિશે અમદાવાદ પોલીસના સેકટર 1 જેસીપી રાજેન્દ્ર અસારીએ પ્રતિક્રિયા આપી છે.

આ દરમિયાન મળેલ જાણકારી પ્રમાણે રેલીનું આયોજન કરતા પહેલાં કૉંગ્રેસના કાર્યકારી યુવા અધ્યક્ષ હાર્દિક પટેલની અટકાયત કરી લેવામાં આવી છે. પોલીસે હાર્દિકની અમદાવાદનાં નિવાસસ્થાનેથી અટકાયત કરી લેવામાં આવી છે. ગુજરાત પ્રદેશ કોંગ્રેસના કાર્યકારી અધ્યક્ષ તથા યુવા નેતા હાર્દિક પટેલને સુરેન્દ્રનગર જિલ્લામાં આવેલ ધાંગધ્રા શહેરનું વોરંટ બતાવીને સાંતેજ પોલીસ દ્વારા અટકાયત કરવામાં આવી છે.

હાર્દિક પટેલને સાંતેજ પોલીસ સ્ટેશને લઇ જવામાં આવ્યાં છે. જેસીપી અસારીએ જણાવતા કહ્યું હતું કે, એક પણ રેલીને પરવાનગી આપવામાં આવી નથી જેને લીધે બધી જગ્યા પર પૂરતો પોલીસ ફોર્સ હાજર રહેશે. પરવાનગી ન હોવાને કારણે પોલીસ દ્વારા અટકાયત પણ કરવામાં આવશે.