May 03, 2024
ટાટા સન્સે(Tata Sons) એર ઇન્ડિયાને ખરીદી લીધું છે. ટાટા સન્સે એર ઇન્ડિયા(Air India) ખરીદવા માટે 18,000 કરોડ રૂપિયાની બોલી લગાવી છે. DIPAM ના સચિવ તુહિનકાંત પાંડે(Tuhinkant Pandey)એ શુક્રવારે એટલે કે આજરોજ આ જાહેરાત કરી હતી. ટાટા ગ્રુપના ભૂતપૂર્વ ચેરમેન રતન ટાટા(Ratan Tata)એ એર ઇન્ડિયાની બિડ જીતવા પર ટ્વિટ કર્યું અને કહ્યું, ‘એર ઇન્ડિયાનું સ્વાગત છે.’
Welcome back, Air India ?? pic.twitter.com/euIREDIzkV
— Ratan N. Tata (@RNTata2000) October 8, 2021
બે કંપનીઓએ બોલી લગાવી હતી:
ડિપાર્ટમેન્ટ ઓફ ઇન્વેસ્ટમેન્ટ એન્ડ પબ્લિક એસેટ મેનેજમેન્ટ (DIPAM) ના સચિવે જણાવ્યું હતું કે, એર ઇન્ડિયાની હરાજીમાં બે કંપનીઓએ બોલી લગાવી હતી. જેમાં ટાટા સન્સની સૌથી વધુ બોલી 18 હજાર કરોડ રૂપિયા હતી. પ્રધાનોની પેનલે આ બિડને મંજૂરી આપી દીધી અને આમ એર ઇન્ડિયા હવે ટાટા સન્સનો એક ભાગ બની ગયો છે.
આ નિર્ણય મંત્રીઓની પેનલ દ્વારા લેવામાં આવ્યો હતો:
તેમણે કહ્યું કે એક ખાસ પેનલ દેશના મોટા આર્થિક નિર્ણય પર વિચાર કરવા ગઈ હતી. આ પેનલમાં ગૃહમંત્રી, નાણામંત્રી, વાણિજ્ય મંત્રી અને નાગરિક ઉડ્ડયન મંત્રીનો સમાવેશ કરવામાં આવ્યો હતો. પેનલે તમામ પાસાઓ પર ચર્ચા કરી. આ પછી, બોલીમાં સૌથી વધુ બોલી લગાવનાર પર ટાટા સન્સને વિજેતા જાહેર કરવામાં આવ્યા.
Trending News
એર ઈન્ડિયા ભારે દેવામાં ડૂબી ગયું હતું:
DIPAM ના સચિવ તુહીન કાંત પાંડેએ કહ્યું કે એર ઇન્ડિયા પર 15 હજાર 300 કરોડ રૂપિયાનું દેવું છે. ટાટા સન્સ 18 હજાર કરોડમાંથી આ લોન પહેલા ચૂકવશે. તે પછી, બાકીની રકમ સરકારમાં જમા કરવામાં આવશે.
જમશેદજી ટાટાએ એરલાઇન શરૂ કરી:
જણાવી દઈએ કે, ટાટા ગ્રુપના સ્થાપક જમસેતજી ટાટાએ 2 લાખ રૂપિયાના રોકાણ સાથે વર્ષ 1932 માં એર ઈન્ડિયાની શરૂઆત કરી હતી. તે સમયે કંપનીનું નામ ટાટા એરલાઇન્સ હતું. આ એરલાઇને તેની પ્રથમ ફ્લાઇટ વર્ષ 1932 માં કરાચી અને મુંબઈ વચ્ચે કરી હતી. કંપનીએ તેનો માસ્કોટ મહારાજા બનાવ્યો અને વર્ષ 1946 માં આંતરરાષ્ટ્રીય કામગીરી શરૂ કરી. ટૂંક સમયમાં આ એરલાઈન વિશ્વની શ્રેષ્ઠ એરલાઈન્સમાંની એક બની ગઈ.
નેહરુ સરકારે રાષ્ટ્રીયકરણ કર્યું હતું:
1953 માં જવાહરલાલ નહેરુની તત્કાલીન સરકારે એર ઇન્ડિયાનું રાષ્ટ્રીયકરણ કર્યું. જેઆરડી ટાટાએ આની સામે જોરદાર કાનૂની લડાઈ લડી પરંતુ તે કેસ જીતી શક્યા નહીં. ત્યારથી આ એરલાઈન સરકારનો ભાગ બની, તેનું નામ બદલીને એર ઈન્ડિયા કરવામાં આવ્યું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
