મુખ્યમંત્રી રૂપાણીએ તોડ્યો PM મોદીનો ભરોસો, આ ત્રણ મુખ્ય કામો હજી સુધી નથી કરી શક્યા…

ગુજરાત રાજ્યનાં પાટનગર ગાંધીનગર શહેરમાં તરત મુખ્યમંત્રી નરેન્દ્ર મોદીએ બતાવેલાં 3 સ્વપ્ન હાલ પૂરાં થયા નથી. આ સ્વપ્ન ક્યારે પુરા થશે તેની કોઈ ગેરંટી નથી, કેમ કે આ દિશામાં હાલ સુધી સરકાર દ્વારા કોઇ કામ હાથ પર લેવામાં આવ્યું નથી. આ 3 પ્રોજેક્ટમાં મેટ્રોરેલ, સાબરમતી રિવરફ્રન્ટ તેમજ પંચામૃત ભવનનું બાંધકામનો સમાવેશ થાય છે.

PM મોદીએ તેમનાં કાર્યકાળમાં સાવ ટૂંકાગાળામાં 3 પ્રોજેક્ટ પુરા કર્યા છે. જેમાં 1 પ્રોજેક્ટ મહાત્મા મંદિરનો હતો. પહેલો તબક્કો મોદીએ 182 દિવસમાં પૂરો કર્યો હતો. 2 પ્રોજેક્ટ સચિવાલયમાં સ્વર્ણિમ સંકુલ બનાવવા માટેનો હતો. આ પ્રોજેક્ટ મોદી એ 200 દિવસમાં પૂરો કરાવ્યો છે. 3 ડ્રીમ પ્રોજેક્ટ PM મોદીએ 350 દિવસમાં પૂરો કર્યો છે તેમજ તે સાબરમતી નદીનાં કિનારે ગિફ્ટ સિટી બનાવવા માટેનો હતો. આ 3 કામ PM મોદીએ તેમનાં ટેન્યોરમાં પુરા કર્યા છે.

PM મોદીએ ત્યારે એવી જાહેરાત કરી હતી કે, ગાંધીનગર શહેરને પણ મેટ્રો ટ્રેન મળશે. ગાંધીનગર સુધી અમદાવાદ શહેરની BRTS લંબાવવામાં આવશે. આ બંને સપનાંઓ PM મોદીએ જોયા હતા પણ રાજકીય ઇચ્છાશક્તિનાં અભાવના કારણે ગાંધીનગર શહેરમાં હાલ સુધી મેટ્રોરેલનાં પ્રોજેક્ટ ઉપર કામ ચાલુ થયું નથી. BRTSનું જોડાણ પણ ગાંધીનગર શહેરને મળ્યું નથી.

PM મોદીએ મહાત્મા મંદિરને પ્રેરણાનું નામ આપ્યું હતું. સચિવાલયમાં મહેનત કરીને પરિણામ માટે સાબરમતી નદીનાં કિનારે પંચામૃત ભવન બનાવવાનું હતું તેમાં સરકાર દ્વારા કરેલાં કામોની ઝલક તેમજ મ્યુઝિયમ ઉભું કરવાનું હતું, પણ આ પ્રોજેક્ટને તરત મુખ્યમંત્રી આનંદીબહેન પટેલની સરકાર દ્વારા મોકુફ રાખવામાં આવ્યો હતો, જે ફરી ચાલુ થઇ શક્યો નથી. જે તે સમયે એવું કહેવામાં આવ્યું હતું કે, જ્યાં વૃક્ષોનું ઓછું નિકંદન થાય તે સ્થળે પંચામૃત ભવન બનાવવામાં આવશે પણ અત્યારની સરકારે આ દિશામાં કોઇ નિર્ણય હાલ સુધી કર્યો નથી.