આત્મનિર્ભર ભારતનું સ્વાસ્થ્ય તંત્ર: જાણો ક્યાંથી વાંદરાઓ ઉઠાવી ગયા કોરોના ટેસ્ટના સેમ્પલ- જુઓ વિડીયો

શુક્રવારે ઉત્તર પ્રદેશના મેરઠમાં કોરોના વાયરસના શંકાસ્પદ દર્દીઓના ટેસ્ટ સેમ્પલ લઇ જઇ રહેલા ટેકનિશિયન પર વાંદરાના એક ટોળાએ હુમલો કર્યો. વાંદરાઓ એ કોરોનાના શંકાસ્પદ દર્દીઓ ના ટેસ્ટ સેમ્પલ ટેકનિશિયન પાસેથી છીનવી લીધા અને જતા રહ્યા.

ઘટના ઉત્તર પ્રદેશના મેરઠમાં સ્થિત મેરઠ મેડિકલ કોલેજની છે. મેડિકલ સ્ટાફે કોરોના શંકાસ્પદ ત્રણ દર્દીઓ પાસેથી ટેસ્ટિંગ માટે તેમના સેમ્પલ કલેક્ટ કર્યા હતા. આ સેમ્પલ ટેસ્ટિંગ માટે પહોંચે તે પહેલાં જ ટેકનિશિયન પાસેથી વાંદરાઓએ છીનવી લીધા અને ચાલ્યા ગયા. ડોક્ટરે પેશન્ટ પાસેથી ફ્રેશ સેમ્પલ કલેક્ટ કર્યા હતા.

In a shocking incident, a monkey snatched blood samples of Covid-19 patients being taken to the LLRM lab. Inquiry set up & the lab technician has been asked to give written explanation about why did he continue to make a video instead of asking for help.#Meerut #Coronavirus pic.twitter.com/N2bCeO2QA2

— Ishita Bhatia (@ibhatia8) May 29, 2020

ત્યારબાદ જે વાંદરાઓ સેમ્પલ લઇને ભાગ્યા હતા, તેઓ એક ઝાડની ટોચ પર બેસીને સેમ્પલ ચાવતા જોવા મળ્યા. કેટલીક કીટના ભાગો ઝાડ નીચે જમીન પર વેરાયેલા જોવા મળ્યા. ઘટનાનો વીડિયો સોશિયલ મીડિયા પર ખૂબ વાયરલ થઇ રહ્યો છે. મીડિયા દ્વારા આ બાબતે પૂછવામાં આવેલા સવાલ પર મેરઠના ડિસ્ટ્રિક્ટ મેજિસ્ટ્રેટ અનિલ ઢીંગરા કહે છે કે, તેઓએ આવો કોઈપણ વિડીયો હજી સુધી જોયો નથી. પરંતુ તેઓ આ અંગે ઇન્ક્વાયરી જરૂર બેસાડશે.