ખેડૂતો માટે ખુશીના સમાચાર: અંબાલાલ પટેલની મોટી આગાહી, આ વિસ્તારમાં પડશે ધોધમાર વરસાદ

વરસાદની રાહ જોઈ રહેલા ખેડૂતો માટે રાહતના અને ખુશીના સમાચાર આવ્યા છે. રાજ્યમાં આગામી દિવસમાં વરસાદ પડી શકે છે તેવી આગાહી હવામાન શાસ્ત્રી અંબાલાલ પટેલે કરી છે. ફરી એક વાર રાજ્યમાં વરસાદી સીસ્ટમ સક્રિય થતા હવે વરસાદ વરસી શકે છે. આ વખતે રાજ્યમાં ચોમાસું સારું રહેશે અને તે દરમિયાન મોટાભાગના જિલ્લાઓમાં ભારેથી અતિભારે વરસાદની આગાહી અંબાલાલ પટેલ દ્વારા કરવામાં આવી છે.

ગત મહીને એટલે જે જુન મહિનામાં વરસાદ પાછો ખેચાતા વરસાદ પડવાની સંભાવનાઓ નહીવત હતી. જેને કારણે જગતનો તાત ચિંતામાં મૂકાઈ ગયો હતો. પરંતુ અંબાલાલ પટેલે કરેલી આગાહી પ્રમાણે લો પ્રેશર સક્રિય થતા રાજ્યમાં વરસાદ પડી શકે છે. જે ખેડૂતો માટે ખુશીના સમાચાર કહી શકાય.

આગાહી હવામાન શાસ્ત્રી અંબાલાલ પટેલે આગાહી કરતા જણાવ્યું છે કે, આગામી 11 જુલાઈથી 20 જુલાઈ સુધી રાજ્યમાં વરસાદી વાતાવરણ રહેશે. ભારે વરસાદ પડવાની સાથે નદી અને નાળાઓમાં પુર આવે તેવી પરિસ્થિતિ સર્જાય શકે છે. અંબાલાલ પટેલે દક્ષિણ ગુજરાત અને સૌરાષ્ટ્ર સારો વરસાદ પડી શકે છે.

આગામી સમયમાં ગુજરાતમાં સૌરાષ્ટ્ર સહિત દક્ષિમ ગુજરાત અને ઉત્તર ગુજરાતમાં ભારેથી અતિભારે વરસાદ પડી શકે છે અને સાથે સાથે દરિયાકાંઠાના વિસ્તારોમાં પણ ભારે વરસાદ પડી શકે છે. અંબાલાલ પટેલે આગાહી કરતા જણાવ્યું છે કે, કચ્છના કેટલાક વિસ્તારમાં સારો વરસાદ પડી શકે છે. જોકે 20 જુલાઈ બાદ રાજ્યમાં ભારેથી અતિભારે વરસાદ પડી શકે છે.